дунйаниң көзи өзбекистанниң тарихи шәһири сәмәрқәнттә өткүзүлидиған йиғинда болиду

18 - нөвәтлик оттура асийа-йавропа иттипақи ташқи ишлар министирлири учришиши нойабирда өзбекистанниң тарихи шәһири сәмәрқәнттә өткүзүлиду.

1868107
дунйаниң көзи өзбекистанниң тарихи шәһири сәмәрқәнттә өткүзүлидиған йиғинда болиду

түркийә авази радийоси хәвири: өзбекистан ташқи ишлар министирлиқиниң байанатиға асасланғанда, ташқи ишлар министирлиқиниң йавропа ишлири баш директори айбәк шаһавдинов йавропа иттипақиниң өзбекистандики муавин вәкили миндагас качеравскас билән көрүшүп, тәрәпләрниң һәмкарлиқ мәсилисини музакириләшкән.

музакиридә нойабирда сәмәрқәнттә өткүзүлидиған 18-нөвәтлик оттура асийа-йавропа иттипақи ташқи ишлар министирлири учришишиниң тәййарлиқлири вә һәмкарлиқни ашурушқа мунасивәтлик мәсилиләр көздин кәчүрүлгән.

байанатқа асасланғанда, оттура асийа-йавропа иттипақи ташқи ишлар министирлири учришиши даирисидә тәрәпләр оттурисидики һәмкарлиқни тәрәққий қилдурушқа алақидар, оттура асийа-йавропа иттипақи ташқи ишлар министирлири 1- нөвәтлик конферансиму өткүзүлидикән.

оттура асийа-йавропа иттипақи 17-нөвәтлик ташқи ишлар министирлири йиғини өткән йили нойабирда таҗикистанниң пайтәхти дүшәнбәдә өткүзүлгән иди.



مۇناسىۋەتلىك خەۋەرلەر