eliyéw: ermenlerning bixeterliki kapalet astigha élinidu

ezerbeyjan pirézidénti ilham eliyéw qarabaghdiki ermenlerge qanundin halqighan alahide imtiyaz we salahiyet bérilmeydighanliqini, lékin ularning bixeterlikining ezerbeyjan döliti teripidin kapalet astigha élinidighanliqini éytti.

1867356
eliyéw: ermenlerning bixeterliki kapalet astigha élinidu

türkiye awazi radiyosi xewiri: eliyéw, ezerbeyjan döletlik téléwiziye qanilining ziyaritini qobul qilghanda bergen bayanatida, qarabaghdiki qanunsiz erméniye küchlirining 3 – awghusttiki ighwagerchiliki heqqide toxtaldi.

erméniye küchlirining ighwagerchiliki netijiside ezerbeyjan armiyesidin bir eskerning shéhit bolghanliqini eskertken eliyéw, birqanche saet dawamlashqan «qisas» herikitining jazalash xaraktérlik bir tedbir ikenlikini, ezerbeyjanliq shéhit eskerning qénining düshmenge éghir bedel töletkenlikini tekitlep mundaq dédi: «shunga, ermenler buni hergizmu ésidin chiqirip qoymasliqi kérek. eger yene bir qétim bundaq ighwagerchilik qilinsa, jawab yene oxshash bolidu.»

eliyéw, «qisas» herkitidin kéyin yüzlerche erméniye eskirining qarabagh rayonidin chiqip ketkenlikini, lachin, zabuh we sus yézilirigha qanunsiz orulashturulghan ermenlerning bu jaylardin chiqip kétishi kéreklikini tekitlep mundaq dédi: «chünki, ularning bu jaylarda qélishi eslide urush jinayiti hésablinidu. derweqe, bu jenwe ehdinamisigimu xilaptur.»

u, erméniye bilen ezerbeyjan otturisidiki munasiwetlerni normallashturush basquchidin qarabagh mesilisining orun almighanliqini eskertip mundaq dédi: «söhbet üstilide qarabaghning salahiyiti heqqide muzakiriler élip bériliwatqini yoq. muzakire qiliniwatqanliqi, qarabaghda yashawatqan ermenlerning heq – hoquqliri we bixeterliki mesilisidur. derweqe, men ularning heq – hoquqliri we bixeterlikining ezerbeyjan döliti teripidin kapalet astigha élinidighanliqini éytqanidim. men herdaim wedemge emel qilimen.»



مۇناسىۋەتلىك خەۋەرلەر