zélénskiy: rusiye-ukraina urushi qirimni azad qilish bilen axirlishishi kérek

ukraina pirézidénti wolodimir zélénskiy rusiye-ukraina urushining qirimdin bashlanghanliqini we choqum qirimni azad qilish bilen axirlishishi kéreklikini otturigha qoydi.

1865902
zélénskiy: rusiye-ukraina urushi qirimni azad qilish bilen axirlishishi kérek

türkiye awazi radiyosi xewiri: rusiye teripidin qoshuwélinghan qirimdiki rusiyege tewe nowofédoriwka herbiy hawa armiye bazisida tünügün yüz bergen partlashtin kéyin, ukraina pirézidénti zélénskiy yéngi bir bayanat élan qildi.

zélénskiy urushning qirimdin bashlanghanliqini tilgha élip, «qirim ukrainagha tewedur. biz qirimdin hergiz waz kechmeymiz. rusiye-ukraina urushi qirimdin bashlanghan we choqum qirimni azad qilish bilen axirlishishi kérek» dédi.

donbas rayonida rusiye bilen ukraina otturisidiki toqunush dawamliq kücheymekte.

rusiye teripidin qoshuwélinghan qirimdiki rusiyege tewe nowofédoriwka herbiy hawa armiye bazisida tünügün uda 7 qétim partlash awazi anglanghan bolup, partlashta 1 kishining qaza qilghanliqi élan qilinghan idi.

rusiye qisimliri 24 - féwralda ukrainagha hujum bashlighan idi.


خەتكۈچ: #qirim , #ukraina , #zélénskiy

مۇناسىۋەتلىك خەۋەرلەر