әрменийә тәрәп әзәрбәйҗан һәрбий орунлириға оқ чиқарди

әзәрбәйҗан дөләт мудапиә министирлиқи, йеқинқи 24 саәт ичидә әрменийә қораллиқ қисимлириниң әзәрбәйҗан армийәси җайлашқан орунларға 10 қетим оқ чиқарғанлиқини уқтурди.

1865067
әрменийә тәрәп әзәрбәйҗан һәрбий орунлириға оқ чиқарди

түркийә авази радийоси хәвири: әзәрбәйҗан мудапиә министирлиқи байанат елан қилип, чеграниң кәлбәҗәр вә лачин вилайити йөнилишидики районларниң, басаргәчәр, қаракилисә вә горус вилайәтлиридики әрменийә қисимлириниң 6 қетимлиқ оқ чиқирип һуҗум қилишиға учриғанлиқини билдүрди.

байанатта, русийә қисимлири вақитлиқ орунлаштурулған әзәрбәйҗан земинлиридики қанунсиз әрменийә қораллиқ гуруппилириниң, әзәрбәйҗан армийәсиниң кәлбәҗәр, горанбов вә фузули вилайәтлиридики һәрбий орунлириға төт қетим оқ чиқарғанлиқи, әзәрбәйҗан тәрәптә һечқандақ талапәт пәйда қилмиған һуҗумға дәл вақтида охшаш усулда инкас қайтуруш арқилиқ интиқам елинғанлиқи қәйт қилинди.

байанатта йәнә, йеқиндин буйанқи һәм чегра бойлирида һәм русийә қисимлири вақитлиқ орунлаштурулған әзәрбәйҗан земинлирида йүз бәргән җиддийчиликниң пүткүл җавабкарлиқиниң әрменийә һөкүмитиниң үстидә икәнлики оттуриға қойулди.



مۇناسىۋەتلىك خەۋەرلەر