beshinchi nöwetlik «türk dunyasi ata miras tenterbiyeliri» paaliyiti bashlandi

türkiye awazi radiyosi xewiri: dunya étnosport birleshmisi reisi bilal erdoghan paaliyet jeryanida söz qilip, türk dunyasining énérgiyesini birleshtürüshning mohimliqini otturigha qoyup, türk dunyasining bu xil shekilde özara yéqinlishishining küchler ittipaqi hasil qilidighanliqini tekitlidi.

bilal erdoghan türk dunyasining özining eneniwi tenheriketlirini saqlap qélishining mohimliqini bildürüp: «4-nöwetlik dunya köchmenler tenheriket musabiqisi 29 - séntebirdin 2 - öktebirgiche ésil iznik shehirimizde ötküzülidu. hemmimiz birlikte, iznikte eneniwi tenheriketlerning dunyadiki tereqqiyatini 100 din artuq dölettin kelgen tenheriketchilerning qatnishishi sayisida iznikte körimiz. uningdin bashqa, ahlatta, malazgirtta bolimiz. türklerning anadoluni wetenge aylandurushining xatire künidimu ahlatta eneniwi tenheriketlerni xelqimiz bilen ortaqlishimiz. bu tenterbiyelerdiki ehwalimiz bir qiziqish bolushtin halqip asasiy kespiyleshken tenterbiye qurulmisigha ayilinishqa qarap poxta qedemler bilen ilgirilewatidu» dégenlerni qeyt qildi.

bilal erdoghan sözliri axirlashqandin kéyin musabiqe sahesdiki at üstide oqya étish we chélishish musabiqilirini kördi we oq étish sahesige kirip oq atti hemde rayongha qurulghan chédirlarni ziyaret qilip, paaliyetler heqqide uchur igilidi.