ezerbeyjan bilen erméniye zengezur karidorining échilishi toghrisida kélishti
ezerbeyjan pirézidénti ilham eliyéw, erméniye bilen tömür yol we tashyol yasashni öz ichige alghan zangezur karidorini échish toghrisida kélishim hasil qilghanliqlirini uqturdi.
türkiye awazi radiyosi xewiri: ezerbeyjan pirézidéntliq mehkimisi bayanat élan qilip, pirézidént ilham eliyéwning jumhur reis rejep tayyip erdoghangha téléfon qilip, yawropa ittipaqi kéngishi reisi charléz mishél we erméniye bash ministiri nikol pashinyan bilen bélgiyening paytexti biryussélda yekshenbe küni ötküzgen uchrishishi toghrisida melumat bergenlikini bildürdi.
mishél we pashinyan bilen körüshüp, ezerbeyjan bilen erméniye otturisida tinchliq kélishimi teyyarlinishi, ikki dölet munasiwitining normallashturulushi, qatnash karidorining échilishi we chégralarni békitish qatarliq mesililer toghrisida sözleshkenlikini tilgha alghan eliyéw, yighinning ünümlük bolghanliqini eskertti.
eliyéw tünügün ezerbeyjan bilen erméniye otturisidiki chégrani belgileshke mesul dölet komitéti qurush qararini imzalighanliqini eskertip, tereplerning tömür yol we tashyol yasashni öz ichige alghan zangezur karidorining échilishi toghrisida birlikke kelgenlikini tekitlidi.
erdoghanmu özgirishlerdin waqiplandurghanliqi üchün eliyéwgha rehmet éytti we yighinda qolgha keltürülgen ijabiy netijilerdin söyüngenlikini bildürdi.
rayonda kéchikip ketmestin tinchliq ornitishning muhimliqini tekitligen erdoghan bilen eliyéw, türkiye - ezerbeyjan munasiwetliri toghrisidimu pikir almashturdi.
