tanju bilgich cherkez we qirim tatarliri sürgünining xatire yilida muhim söz qildi
tanju bilgich qirim tatarlirining kimlikini qoghdash shundaqla ularning parawanliqi we bext-saaditige kapaletlik qilish üchün türkiyening her daim qérindashlirining yénida bolidighanliqini élan qildi.
türkiye awazi radiyosi xewiri: tashqi ishlar ministirliqi bayanatchisi tanju bilgich cherkez we qirim tatarlirining sürgün qilinghanliqining xatire yili munasiwiti bilen yazma bayanat élan qildi.
qirimning yerlik xelqi bolghan qirim tatar türklirining 1944-yili 18-mayda wetinidin mejburiy sürgün qilinghanliqini eskertip, ularning insaniyetke xilap sharaitta sürgün qilinghanliqini tekitlidi.
tanju bilgich: «250 ming qirim tatarining asasliq köp qismi sürgün jeryanida yaki sürgün qilinghan jaylarda hayatidin ayrildi. bügün biz bu échinishliq weqening 78 - yilliqini xatirilimektimiz. türkiye qirim tatarlirining kimlikini qoghdash shundaqla ularning parawanliqi we bext-saaditige kapaletlik qilish üchün her daim qérindashlirining yénida bolidu» dédi.
tashqi ishlar ministirliqi bayanatchisi tanju bilgich 21-mayning bolsa, cherkez türklirining sürgün qilinishining 158 – yilliqi süpide xatirilinidighanliqini eskertip, «kawkaz xelqlirdin yüzminglighan kishi 19-esirde rusiye char padishahliqining ishghaliyiti jeryanida hayatidin ayrildi. hayat qalghanlarning köpinchisi ana yürtliridin ayrilip anadoluda panahlandi. <cherkez sürgini> dep atilidighan bu tiradigiyening azabini hazirmu hés qilmaqtimiz. bu munasiwet bilen biz qirim tatarliri we qérindash kawkaz xelqliri bashtin kechürgen her ikki pajiede hayatidin ayrilghanlarning aldida hörmet bilen bash égimiz» dédi.
