tokayéwning ikki künlük türkiye ziyariti bügün bashlinidu
qazaqistan prézidénti qasim jömert tokayéwning türkiyediki ikki künlük resmiy ziyariti bügün bashlinidu.
türkiye awazi radiyosi xewiri: jumhur reis rejep tayyip erdoghan qazaqistan pirézidénti tokayéwni jumhur reislik mehkimiside resmiy murasim bilen qarshi alidu.
erdoghan-tokayéw uchrishishida, ikki tereplik munasiwetler her jehettin muhakime qilinidu؛ yighinning asasliq témisi iqtisad bolup, ikki dölet otturisidiki 10 milyard dollarliq soda miqdari nishanigha yétish üchün tashlinidighan qedemlerge qarap chiqilidu, sayahet, énérgiye, sehiye we mudapie sanaiti qatarliq sahelerdiki hemkarliqlar nuqtiliq muzakire qilinidu.
ikki rehber rayon xaraktérlik tereqqiyatlar dairiside, türk döletliri teshkilati bayriqi astida élip bériliwatqan xizmetlerni muzakire qilidu we aldimizdiki basquchta yaqlinidighan yol xeritisige qarap chiqidu.
rehbeler yene, 24 – féwraldin buyan dawamlishiwatqan rusiye - ukraina urushi toghrisidimu pikir almashturidu.
erdoghan mensepdishini türkiyening urushni axirlashturush yolida körsetken tirishchanliqliridin waqiplanduridu.
