ئەزەربەيجان چېگرادا ئەرمېنىيەنىڭ ئۇرۇش توختىتىشقا خىلاپلىق قىلغانلىقىنى بىلدۈردى
ئەزەربەيجان دۆلەت مۇداپىئە مىنىستىرلىقى ئەرمېنىيە ئارمىيەسى قىسىملىرىنىڭ چېگرادىكى ئەزەربەيجان نۇقتىلىرىغا ئوق چىقارغانلىقىنى بىلدۈردى.
1821652
تۈركىيە ئاۋازى رادىيوسى خەۋىرى: ئەزەربەيجان دۆلەت مۇداپىئە مىنستىرلىقى ئەرمېنىيە قىسىملىرىنىڭ چېگرادىكى نۇقتىلارغا ئوق چىقارغانلىقى توغرىسىدا بايانات ئېلان قىلدى.
باياناتتا، تۈنۈگۈن كەچتە (2022-يىلى 2-ماي) كەلبەجەر ۋىلايىتىنىڭ زەيلىك يېزىسى ئەتراپىدىكى نۇقتىلارغا، باسارگەچەر ۋىلايىتىنىڭ ئۈستۈن شورجا يېزىسىدىكى ئەرمېنىيە نۇقتىلىرىدىن ئوق چىقىرىلغانلىقى ئەسكەرتىلدى.
ئەزەربەيجان ئارمىيە قىسىملىرىنىڭ زۆرۈر تەدبىرلەرنى ئىجرا قىلغانلىقى ۋە ئۆلۈم-يېتىم كۆرۈلمىگەنلىكى قەيت قىلىنغان باياناتتا، رايون ۋەزىيىتىنىڭ تىنچ ئىكەنلىكى، ۋەزىيەتنىڭ ئەزەربەيجان ئەسكەرلىرىنىڭ كونتروللۇقىدا ئىكەنلىكى بىلدۈرۈلدى.
ئەرمېنىيە ئارمىيەسى تۈنۈگۈن (2-ماي) ئوخشاش نۇقتىلاردا ئۇرۇش توختىتىشقا خىلاپلىق قىلغان ئىدى.