чавушоғлу қирғизистан ташқи ишлар министирини тәбриклиди

түркийә ташқи ишлар министири мәвлүт чавушоғлу қирғизистан ташқи ишлар министири җәенбек кулубайев билән телефонда көрүшти.

1821232
чавушоғлу қирғизистан ташқи ишлар министирини тәбриклиди

түркийә авази радийоси хәвири: түркийә ташқи ишлар министири мәвлүт чавушоғлу қирғизистан ташқи ишлар министири җәенбек кулубайевниң вәзипигә тәйинләнгәнликини тәбрикләп телефон қилди.

көрүшүштә, икки дөләт мунасивәтлиридики иҗабий өзгиришләрдин мәмнунлуқ һес қилинғанлиқи қәйт қилинди.

көрүшүштә йәнә, ортақ истратегийәлик пиланлаш гурупписиниң кейинки қетимлиқ йиғининиң пат арида қирғизистан вә түркийә ташқи ишлар министирлири сәвийәсидә өткүзүлүши мәсилисидә пикир бирлики һасил қилинди. булардин башқа, истратегийәлик һәмкарлиқ алий кеңиши йиғинини мушу йил (2022) қирғизистан вә түркийә дөләт башлиқлири сәвийәсидә қирғизистанда өткүзүш мәсилисиму музакирә қилинди.

қирғизистан ташқи ишлар министири җәенбек кулубайев русийә билән украина оттурисидики ихтилапларни пәсәйтиш мусаписидә түркийәниң ойниған вастичилиқ қилиш ролини алаһидә тилға алди.



مۇناسىۋەتلىك خەۋەرلەر