ezerbeyjan rusiye dölet mudapie ministirliqining bayanatlirini ret qildi
ezerbeyjan dölet mudapie ministirliqi rusiye dölet mudapie ministirliqining «ezerbeyjan armiyesi qarabaghdiki ferruh yézisidin herbiy qisimlirini chékindürdi» dégen bayanatining emeliyetke uyghun emeslikini bildürüp ret qildi.
türkiye awazi radiyosi xewiri: ezerbeyjan dölet mudapie ministirliqi rusiye dölet mudapie ministirliqining «ezerbeyjan armiyesi qarabaghdiki ferruh yézisidin herbiy qisimlirini chékindürdi» dégen bayanatining emeliyetke uyghun emeslikini bildürüp ret qildi.
ezerbeyjan dölet mudapie ministirliqining bayanatida: «ezerbeyjanning igilik hoquqining bir parchisi bolghan ferruh yézisi we etrapidiki égizliklerge jaylashqan herbiy nuqtilarning héchbiride özgirish bolmidi. ezerbeyjan herbiy qisimlirini chékindürmidi» déyildi.
bayanatta, rusiye dölet mudapie ministirliqining «ezerbeyjan urush toxtitishqa xilapliq qildi» dégen bayanatiningmu emeliyetke uyghun emesliki eskertildi.
rusiye dölet mudapie ministirliqining «taghliq qarabagh» dégenliki tekitlengen bayanatta, mundaq déyildi:
«ezerbeyjan zéminlirida <taghliq qarabagh> deydighan rayon yoq. rusiye dölet mudapie ministirliqining bundaq déyishi ezerbeyjanning zémin pütünlükige bolghan hörmetsizlik hésablinidu.»
rusiye dölet mudapie ministirliqining jüme künidiki (25-mart) bayanatida, ezerbeyjan armiyesining qarabaghdiki rusiye herbiy qisimlirining mesuliyiti dairisidiki rayongha bésip kirip, közitish nuqtiliri tesis qilghanliqi we qarabaghdiki erméniye qiismlirigha hujum qilghanliqi ilgiri sürülgen idi.
tünügünki (27-mart) bayanatida bolsa, ezerbeyjan armiye qisimlirining muzakirelerdin kéyin chékingenliki qeyt qilinghan idi.
