әрменийә әскәрлири чегра райондики әзәрбәйҗан һәрбий нуқтилириға қаритип оқ чиқарди

әзәрбәйҗан дөләт мудапиә министирлиқи әрменийә қисимлириниң чегра райондики әзәрбәйҗан һәрбий нуқтилириға қаритип оқ чиқарғанлиқини уқтурди.

1778852
әрменийә әскәрлири чегра райондики әзәрбәйҗан һәрбий нуқтилириға қаритип оқ чиқарди

түркийә авази радийоси хәвири: әзәрбәйҗан дөләт мудапиә министирлиқи тәрипидин бу һәқтә елан қилинған байанатта билдүрүлүшичә, кәлбәҗәр вилайитиниң пармақбинә йезиси йөнилишидики һәрбий нуқтилар, түнүгүн шу җай вақти чүштин кейин саәт 6 дин 45 минут өткәндин башлап, басаргәчәр вилайитиниң зәркәнт йезисидики әрменийә һәрбий нуқтилиридин қәрәллик һалда оққа тутулған.

буниңдин башқа йәнә, әрменийә армийәси, бүгүн шу җай вақти кечә саәт 1 дин 40 минут өткәндә товузқәлә вилайитиниң чинарли йезиси йөнилишидин товуз вилайитиниң ағбулақ йезисида турушлуқ әзәрбәйҗан һәрбий нуқтилириға оқ чиқарған.

әзәрбәйҗан армийәсиму әрменийә армийәсигә тегишлик җаваб қайтурған.



مۇناسىۋەتلىك خەۋەرلەر