qazaqistandiki qizil térorluqqa qarshi keng kölemlik heriket axirlashti

qazaqistanda almuta shehiri qatarliq barliq rayonlarda élip bérilghan térorluqqa qarshi heriket axirlashti.

1768720
qazaqistandiki qizil térorluqqa qarshi keng kölemlik heriket axirlashti

 

türkiye awazi radiyosi xewiri: qazaqistanning térorluqqa qarshi küresh qomandanliq ishtabi teripidin élan qilinghan bayanatta, almuta  we jambil ölkiside élip bériliwatqan térrorluqqa qarshi heriketlerning axirlishishi bilen teng dölet miqyasidiki térrorluq tehditilirige qarita qizil sewiyelik agahlandurushning emeldin qaldurulghanliqi bildürüldi.

bayanatta, mushu ayning béshida 225 kishining qaza qilishi bilen netijilengen qozghilanglarni teshkilligüchiler we qatnashquchilarni éniqlash paaliyetlirining dawamlishidighanliqi uqturuldi.

qazaqistan ichki ishlar ministirliqi tekshürüsh bölümining bashliqi sanjar adilow muxbirgha bergen bayanatida, térorluqqa qarshi heriket dairiside 515 dane oghrilanghan qoralning qolgha chüshürülgenlikini éytti.

sanjar adilow 98 mehbusning qoral oghrilighanliqi we 61 kishining qanunsiz qoral saqlighanliqi üchün sotlanghanliqini uqturdi.

qazaqistan bash teptish mehkimisimu puqralarning ölümige alaqidar tekshürüshning inchikilik bilen élip bérilghanliqini, 3 déloning qatilliq délosi süpitide tekshürülgenlikini bayan qildi.

2000 jinayi ishlar délosining tekshürüliwatqanliqini bildürgen teptish mehkimisi, bu délolardiki 898 jinayet gumandarining tutup turulush mudditining dawamlishidighanliqini uqturdi.

qazaqistanning gherbide 2 -yanwarda suyuqlandurulghan néfit gazi (LPG) bahasining ösüp kétishi we dölettiki ijtimaiy iqtisadiy weziyetning künséri nacharlishishigha nazaraziliq bildürüsh üchün bashlanghan namayish qazaqistanning sabiq paytexti almutada zorawanliqqa aylinip ketken idi.

qazaqistan pirézidénti qasim jomert tokayéw qazaqistanning chetelge chétishliq térorluq teshkilatlirining hujumigha uchrighanliqini élan qilghan we özliri eza bolghan kolléktip bixeterlik shertnamisi teshkilatidin tinchliq saqlash qisimlirini yollashni telep qilghan idi.

qazaqistan hökümiti namayishchilarning dölet binalirini ishghal qiliwalghanliqi, qoral ishletkenliki we puqralarning mal-mülüklirige ziyan yetküzüshni dawamlashturghanliqi sewebidin bixeterlik qisimlirigha térorluqqa qarshi heriket bashlash buyruqi chüshürgen idi.



مۇناسىۋەتلىك خەۋەرلەر