eliyéw türkiye-ezerbeyjan diplomatik munasiwitini tebriklep erdoghangha télégramma ewetti

ezerbeyjan pirézidénti ilham eliyéw türkiye bilen diplomatik munasiwet ornitilghanliqining 30-yilliqi munasiwiti bilen, jumhur reis rejep tayyip erdoghangha tebrik télégrammisi ewetti.

1762640
eliyéw türkiye-ezerbeyjan diplomatik munasiwitini tebriklep erdoghangha télégramma ewetti

türkiye awazi radiyosi xewiri: ezerbeyjan ilham eliyéw pirézidéntliq mehkimisining tor bétide élan qilghan uchurida, 1992-yili 1-ayning 14-küni ikki dölet otturisida diplomatik munasiwet ornitilghanliqini eskertip, bu muhim künde rejep tayyip erdoghan we qérindash türkiye xelqini semimiy héssiyati bilen tebrikleydighanliqini bildürdi.

u türkiye bilen diplomatik munasiwet ornitishning ezerbeyjan tarixidiki muhim ish ikenlikini bildürüp: «türkiyening 20-esirde ikkinchi qétim musteqilliqini qolgha keltürgen ezerbeyjanni étirap qilghan tunji dölet bolushi we arqidin diplomatik munasiwet ornitishi, xelqimizning milliy xatirisige menggü heqiqiy qérindashliq we ittipaqliq ülgisi süpitide xatirilendi» dédi.

u yéqinqi mezgildiki ezerbeyjan-türkiye munasiwitining zor tereqqiyatidin pexirlinidighanliqini bayan qilip, ikki döletning tarixiy imtihanlardin sherep bilen we qeddini tik tutqan halda ötkenlikini؛  «bir millet , ikki dölet» rohigha bolghan sadaqitini yene bir qétim ispatlighanliqini we uni saqlap qalghanliqini qeyt qildi.

u türkiye we ezerbeyjan xelqlirining  bir qanche yüz yilliq ittipaqliqi, qérindashliqi we dostluqi qatarliq mustehkem asaslargha qurulghan döletler ara munasiwetlerning eng yuqiri sewiyede ikenlikini eskertip, 2021-yili 6-ayda shushada munasiwetlerni ittipaqliq derijisige chiqarghan xitabnamige imza qoyghanliqlirini «tewrenmes ittipaqliqimizni mustehkemligen muhim tarixiy qedem» dep baha berdi.

u jumhur reis rejep tayyip erdoghangha ewetken tebrik télégarmmisida munularni körsetti:

«dunyada özgiche, dostluq we qérindashliqning eng yaxshi ülgisi bolghan ezerbeyjan-türkiye munasiwetlirining hemde ittipaqliqining tereqqiy qilishi we küchiyishi üchün xizmetliringiz intayin qimmetlik. ezerbeyjanning zémin pütünlükini kapaletke ige qilish we bu toghridiki keskin pozitsiyengiz, toghra dewamizni tereddütsiz qollshingiz, bizge her daim yuqiri keypiyat we ilawe küch ata qildi. ezerbeyjan xelqi 44 künlük wetenperwerlik urushining birinchi minutliridin axirqi minutlirighiche shexsen sizning, türkiye jumhuriyiti we qérindash türkiye xelqi körsetken meniwi jehettin qollash we hemkarliqni hergizmu untup qalmaydu. bügün ishghaliyettin azad qilinghan yerlerni qayta qurush we eslige keltürüshte türkiye bilen mürini- mürige tirep tirishishimiz kishini xushal qilidu. biz barliq ishlarda we her daim qérindash türkiyeni dawamliq qollaymiz.»



مۇناسىۋەتلىك خەۋەرلەر