türkiye shimaliy qibris türk jumhuriyitining qurghuchi jumhur reisi denktashni xatirilidi

türkiye shimaliy qibris türk jumhuriyitining qurghuchi jumhur reisi rauf denktashning wapat bolghanliqining 10 – yilliqi munasiwiti bilen bayanat élan  qildi.

1761903
türkiye shimaliy qibris türk jumhuriyitining qurghuchi jumhur reisi denktashni xatirilidi

türkiye awazi radiyosi xewiri: türkiye, shimaliy qibris türk jumhuriyitining qurghuchi jumhur reisi merhum rauf denktashning qibris türklirining erkinliki we bixeterliki üchün türkiye bilen köngül we pikir birliki ichide élip barghan  küreshke qoshqan mislisiz töhpiliri we parasetlik rehberlikining qelblerde menggü yashaydighanliqini bildürdi.

türkiye tashqi ishlar ministirliqi teripidin, shimaliy qibris türk jumhuriyitining qurghuchi jumhur reisi rauf denktashning wapat bolghanliqining 10 – yilliqi munasiwiti bilen élan qilinghan bayanatta, merhum denktashning cheksiz hörmet we iptixarliq tuyghusi ichide xatiliriniwatqanliqi tekitlinip mundaq déyildi: «merhum rauf denkshtaning qibris türklirining erkinliki, mewjudiyiti we bixeterliki üchün ana weten türkiye bilen köngül we pikir birliki ichide élip barghan  küreshke qoshqan mislisiz töhpiliri we parasetlik rehberliki  qelblerde menggü hayat.»

bayanatta yene, türkiyening tarixiy we meniwi mesulchanliqlirini chiqish nuqta qilip, qibris türk xelqining igilik hoquq barawerliki we xelqaradiki teng hoquqluq ornini qoghdash jehettiki qetiy küreshlirini dawamliq qollaydighanliqi tekitlendi.

muawin jumhur reis  fuat oktaymu,  shimaliy qibris türk jumhuriyitining qurghuchi jumhur reisi rauf denktashning wapat bolghanliqining 10 – yilliqi munasiwiti bilen, ammiwi ortaqlishish tor bétidiki sehipiside  élan qilghan bayanatida, mundaq dédi: «qibris dawasining tewrenmes qoghdighuchisi, shimaliy qibris türk jumhuriyitining qurghuchi jumhur reisi rauf denktashning wapat bolghanliqining 10 – yilliqi munasiwiti bilen, merhum denktashni cheksiz hörmet we minnetdarliq tuyghusi ichide yad étimen.»



مۇناسىۋەتلىك خەۋەرلەر