қазақистан пирезиденти миллий матәм елан қилишни қарарлаштурди
қазақистан пирезиденти қасим җөмәрт тоқайев 10 – йанвар күни миллий маләм елан қилиш тоғрулуқ қарар чиқарди.
түркийә авази радийоси хәвири: қазақистан пирезидент мәһкимиси тәрипидин бу һәқтә елан қилинған байанатта, мундақ дейилди: «қазақистанда ишләнгән террорлуқ вәқәлири нәтиҗисидә өлүм вәқәлири көрүлгәнлики сәвәблик, 10 – йанвар күни дөләт миқйасида миллий матәм елан қилиниду.»
бу арилиқта, пайтәхт нурсултанда күндилик һайат, җиддий һаләт чәклимиси астида давамлашмақта.
пайтәхттә, дөләт миқйасида елан қилинған «йүксәк сәвийәдики хәвп агаһландуруши» сәвәбидин бихәтәрлик тәдбирлири күчәйтилди.
шәһәрдә пирезидент мәһкимиси сарийи ақордани өз ичигә алған барлиқ дөләт биналири вә аммиви муәссәсәләр алаһидә қисимлар тәрипидин кечә - күндүз қоғдалмақта.
пайтәхтниң барлиқ кириш – чиқиш еғизлириға сақчи контрол нуқтилири қурулди.
игилинишичә, чоң сода – тиҗарәт вә көңүл ечиш мәркәзлири, чайханилар вә ресторанларниң көпинчиси тақақ болған шәһәрдә, пәқәт кичик дуканлардинла нәрсә – керәк сетивелишқа болидикән.
