qazaqistanda armiyege «teyyar turush permani» chüshürüldi

türkiye awazi radiyosi xewiri: qazaqistan pirézidénti qasim jömert toqayéw dölettiki namayishlar sewebidin barliq armiye qisimlirigha «teyyar turush permani» chüshürdi.

qazaqistan pirézidéntliq mehkimisining bayanatigha asaslanghanda, qasim jömert toqayéw yüz bergen weqeler sewebini éniqlash, barliq jawabkarlarni jazagha tartish we memuriy chare körüsh üchün, bash teptish mehkimisi, ichki ishlar ministirliqi, dölet xewpsizlik komitéti we bashqa munasiwetlik idare-organlarning mesulliridin teshkillengen «mexsus tekshürüsh guruppisi» qurushni qarar qilghan.

toqayéw armiye qisimliri, dölet xewpsizlik komitéti, ichki ishlar ministirliqi, milliy muhapizetchiler we bashqa qoralliq qisimlargha «teyyar turush we eskerlerning keypiyatini yuqiri kötürüsh üchün tedbir qollinish permani» chüshürüp, waliy mehkimiliride jénidin ayrilghan  saqchi-eskerlerning aililirige maddiy jehettin jehettin yardem qilishni telep qildi.

u yene, dijital tereqqiyat, yéngiliq yaritish we awiyatsiye sanaiti bilen ichki ishlar ministirliqlirigha, weqelerde ziyankeshlikke uchrighan, yoqap ketkenlerge munasiwetlik melumat igellesh meqsitide «jiddiy téléfon» linyesi tesis qilish permanini chüshürdi.

bu peytte, almuta saqchi idarisining bayanatchisi saltanat azirbék almutada kéche charlash qisimliri bilen namayishchilar otturisida toqunush yüz bergenlikini bildürdi.

bayanatchi azirbék namayishchilarning hökümet we saqchi binalirini igelleshke urunghanliqini eskertip: «onlarche hujumchi bir terep qilindi. ularning kimlikliri éniqliniwatidu» dédi.

u almutada xewpsizlik qisimliri herikiitning dawamlishiwatqanliqini we puqralarning sirtqa chiqmasliq toghrisida agahlandurulghanliqini bildürdi.

qazaqistanning gherbide 2-yanwar (2022) suyuqlandurulghan gaz bahasining östürülüshi we dölettiki ijtimaiy, iqtisadiy weziyetning nacharliship ketkenlikini seweb qilip bashlanghan namayishlar, bashqa jaylarghimu kéngeydi.

kochilardiki namayishlarda, xewpsizlik tarmaqliri bilen namayishchilar otturisida toqunushlar yüz berdi.

xewpsizlik tarmaqliri saqchi we herbiy aptomobillargha ot qoyup, hökümet binalirigha kirgen namayishchilarni awaz bombisi étip tarqatti.

qazaqistan pirézidénti qasim jömert toqayéw partlighan namayishlargha hökümetning mesul ikenlikini bildürüp, hökümetning istépasini qobul qildi.

namayishlarning bezi rayonlargha kéngiyishi bilen, paytext nursultan, almuta shehiri we mangistaw ishtatlirida jiddiy halet élan qilindi.

arqidin uzun ötmey, jiddiy halet qazaqistanning bashqa rayonliridimu élan qilindi.