ezerbeyjan qolgha élinghan 10 neper erméniye eskirini dölitige qayturup berdi
ezerbeyjanning esir, yoqap ketken we tutqun qilinghan puqralargha mesul dölet komitéti 10 erméniye eskirining dölitige qayturulghanliqini élan qildi.
türkiye awazi radiyosi xewiri: bayanatta, qolgha élinghan erméniye eskerlirining yawropa kéngishi reisi charléz mishélning teshebbuskarliqi bilen 14 - dikabirda bélgiyening paytexti biryussélda ezerbeyjan pirézidénti ilham eliyéw bilen erméniye bash ministiri nikol pashinyanning üch tereplik uchrishishi we eliyéw bilen mishél otturisida otküzülgen ikki tereplik muzakire netijiside insanperwerlik pirinsipigha bolghan sadaqetning ipadisi süpitide qayturup bérilgenliki bildürüldi.
yawropa kéngishining muresse qilishi bilen qayturulghan eskerlerning 16-noyabirda ikki dölet chégrasigha tewe kelbejer rayonida ighwagerchilik qilmaqchi bolghanda qolgha élinghan eskerler ikenliki uqturuldi.
مۇناسىۋەتلىك خەۋەرلەر
qazaqistan saylamlirining tunji netijiliri élan qilindi
qazaqistanda ötküzülgen parlamént we yerlik parlamént saylamlirida, alte partiye palatagha kirdi.
