әлийев йөк башлиқи өзварни қобул қилди

әзәрбәйҗан пирезиденти илһам әлийев хизмәт зийарити үчүн бакуға йетип барған түркийә алий маарип кеңиши-йөк (YÖK) ниң башлиқи пирофессор доктор әрол өзварни қобул қилди.

1741885
әлийев йөк башлиқи өзварни қобул қилди

түркийә авази радийоси хәвири: әзәрбәйҗан пирезидентлиқ мәһкимиси пирезидент әлийевниң түркийә алий маарип кеңишиниң башлиқи пирофессор доктор әрол өзварни қобул қилғанлиқи тоғрисида байанат елан қилди.

байанатта, пирезидент әлийевгә түркийә җумһур рәиси рәҗәп таййип әрдоғанниң салимини йәткүзгән әрол өзварниң, тик учар вәқәсидә җенидин айрилған әскәрләр үчүн тәзийәсини билдүргәнлики қәйт қилинди.

әскәртилишичә, көрүшүштә, әзәрбәйҗан билән түркийә оттурисидики достлуқ вә қериндашлиқ мунасивәтлириниң һәр саһә бойичә мувәппәқийәтлик һалда тәрәққий қиливатқанлиқиға вә маарип саһәсидики өзара һәмкарлиқларниң мунасивәтләрни күчәйтиштики ролиға йуқири баһа берилгән.

пирезидент әлийев билән әрол өзвар маарип саһәсидики һәмкарлиқларниң келәчики, әзәрбәйҗанда түркийә билән ортақ универстет қуруш вә башқа темиларда пикир алмаштурулған.

әрол өзвар көрүшүштин кейин, пирезидент әлийевгә һәдийә тәқдим қилди.



مۇناسىۋەتلىك خەۋەرلەر