ezerbeyjan 14 shéhiti üchün herbiy murasim ötküzdi

ezerbeyjanda herbiy tik ucharning chüshüp kétishi netijiside shéhit bolghan köpinchisi ofitsérdin teshkil tapqan 14 esker üchün herbiy murasim ötküzüldi.

1741658
ezerbeyjan 14 shéhiti üchün herbiy murasim ötküzdi

türkiye awazi radiyosi xewiri: ezerbeyjan paytexti bakudiki serhatchi tenterbiye zalida tik ucharning chüshüp kétishi netijiside shéhit bolghan 14 esker üchün herbiy murasim ötküzüldi.

murasimgha, ezerbeyjan dölet chégra qoghdash idarisining bashliqi elchin guliyéw, herbiy bash teptish xanlar weliyéw, baku waliysi eldar ezizow, shéhitlerning yéqin-yoruqliri we nurghun puqralar qatnashti.

murasimda, shéhitlerning ezerbeyjan bayriqi yépilghan jinazesi hörmette turush we milliy marsh oqulghandin kéyin, shéhitlerning qisqiche tarixi oquldi.

ezerbeyjan dölet chégra qoghdash idarisining bashliqi elchin guliyéw shéhitlerning 1- we 2-qarabagh urushida jeng qilghanliqini, sepdashliridin ayrilghanliqidin chongqur qayghuruwatqanliqlirini qeyt qildi.

u shéhitlerning aililiri we yéqin-yoruqlirigha teziyesini bildürüp, qehriman sepdashlirini héchqachan untumaydighanliqlirini tekitlidi.

shéhitlerning sepdashliri jinazelerni 2-shéhitler hiyabanigha apirish üchün zaldin dolisigha élip chiqardi we aptomobillargha qoydi.

ezerbeyjan dölet chégra qoghdash idarisining «ait Mi-17» tipliq herbiy tik uchari tünügün (2021-yili 30-noyabir) hizi rayonidiki karaheybet hawa telim-terbiye merkizige qonush jeryanida chüshüp kétip 14 esker shéhit bolghan, ikki esker yarilanghan idi.



مۇناسىۋەتلىك خەۋەرلەر