özbékistan xelqi yéngi pirézidéntini saylimaqta
özbékistanda xelqi döletni 5 yil bashquridighan yéngi prézidéntni saylash üchün bélet tashlaydu.
türkiye awazi radiyosi xewiri: özbékistanni 27 yil bashqurghan tunji pirézidént islam kerimow 2016 – yili sintebirde wapat bolghandin kéyin, shu yili 12-ayda ötküzülgen muddettin ilgiriki salamdin buyan tunji qétim pirézidéntliq saylimi ötküzülmekte.
ruyxetke élinghan 21 milyon 266 ming saylighuchi pütün memliket miqyasida bélet tashliyalaydu.
qanungha binaen saylamda peqet siyasi partiyelerla prézidént namzatlirini chiqaralaydu.
bu qétimqi saylamda ékologiye partiyesidin narzulla oblomuradow, xelq démokratiye partiyesidin maqsuda worisowa, milliy tereqqiyat démokrat partiyesidin alish qadirow, adalet sotsiyal démokratlar partiyesidin behrom abduhalimow we erkin démokratlar partiyesidin qayta namzat körsitilgen pérézidént shewket mirziyoyéw riqabetke chüshidu.
qanungha bineen, bélet tashlash nisbiti %33 tin ashqan saylamlar küchke ige hésablinidu. her qandaq bir namzatning saylamda ghelibe qilishi üchün choqum yérimdin köprek béletke érishishi kérek. undaq bolmighanda eng köp béletke érishken ikki namzat ikkinchi basquchluq saylamgha qatnishidu.
