әрдоған әзәрбәйҗанда фузули хәлқара айродуруминиң ечилиш линтисини кесиду

әзәрбәйҗандики фузули хәлқара айродуруми 26-өктәбир җумһур рәис рәҗәп таййип әрдоғанниң қатнишиши билән ишқа кириштүрилиду.

1724078
әрдоған әзәрбәйҗанда фузули хәлқара айродуруминиң ечилиш линтисини кесиду

түркийә авази радийоси хәвири: әзәрбәйҗанниң әрменийә ишғалийитидин азад қилған йәрләрдә әмәлгә ашурған тунҗи чоң лайиһәсиниң ечилиш мурасимиға бир қанчә күн қалди.  

фузули шәһиридә түркийәлик вә әзәрбәйҗанлиқ инженерларниң ортақ хизмәтлири билән айродурум йасалди.

айродурумға  14-йанвар ул селинған болуп, 124 гектарлиқ йәргә селинған қурулуш тамамланди. айродурум узунлуқи 3 километир, кәңлики 60 метир келидиған чоң учуш йолиға игә.

пайтәхт баку билән фузули шәһири арисидики қатнашни йерим саәткә қисқартидиған бу айродурум, тәминләш вә әшйа обороти хизмитидә интайин муһим әһмийәткә игә.

җумһур рәис әрдоған ишғалийәттин азад қилинған йәрләрни тунҗи қетим рәсмий зийарәт қилған дөләт рәһбири болған иди.

фузули хәлқара айродуруми 26-өктәбирдә җумһур рәис әрдоғанниң иштирак қилиши билән өткүзүлидиған ечилиш мурасимда ишқа кириштүрүлиду.

айродурумда тунҗи рәсмий күтүвелиш мурасими җумһур рәис әрдоған үчүн өткүзүлиду.



مۇناسىۋەتلىك خەۋەرلەر