түркийә-әзәрбәйҗан бирләшмә ахбарат мунбиригә түрк кеңишигә әза барлиқ дөләтләртәклип қилинди

җумһур рәислик учур – алақә идариси дериктори фахрәттин алтун түркийә-әзәрбәйҗан бирләшмә ахбарат мунбиригә түрк кеңишигә әза барлиқ дөләтләрни тәклип қилғанлиқини ейтти.

1724034
түркийә-әзәрбәйҗан бирләшмә ахбарат мунбиригә түрк кеңишигә әза барлиқ дөләтләртәклип қилинди

түркийә авази радийоси хәвири: фахрәттин алтун җумһур рәислик учур – алақә идарисиниң саһипханлиқидики түрк кеңиши ахбарат мунбири даирисидә түнүгүн истанбулда өткүзүлгән тунҗи учришишта, мухбирларға байанат елан қилип, түркийә-әзәрбәйҗан бирләшмә ахбарат мунбири һәққидә тохталди.

фахрәттин алтун әзәрбәйҗанниң муавин президенти һикмәт һаҗийев билән қурулған хизмәт гурупписиниң йиғиниға өзлириниң рийасәтчилик қилғанлиқини билдүрүп, мунбәрдә тез йолға қойғили болидиған лайақәтлик лайиһәләрни музакирә қилғанлиқини, һәмдә 6 саһәдә хизмәт комитети қурулғанлиқини ейтти.

фахрәттин алтун мунбәрниң мәвҗутлуқини давамлаштуриши вә системилишиш җәһәттин муһим болған қанун чиқириш вә башқуруш комитети қурулғанлиқини тәкитләп, ««әгәр биз бу механизимни тоғра системилаштурсақ, ишинимизки, түрк кеңишигә әза барлиқ дөләтләр вә оттура асийадики түркий җумһурийәтләр бу ортақ мунбәргә төһпә қошалайду. һаҗийев әпәнди вә биз баштин-ахир шуни ениқ ипадиләп келиватимизки, бу түркийә - әзәрбәйҗан оттурисидики  бирләшмә ахбарат мунбири, әмма биз түрк кеңишигә әза барлиқ дөләтләрни бу мунбәргә тәклип қиливатимиз.  бу бирликтин барлиққа келидиған күчниң қандақ болидиғанлиқини қарабағ ғәлбиси җәрйанида һәммигә көрсәттуқ » деди.

фахрәттин алтун: «әгәр биз бирлик вә баравәрлик ичидә болидиған болсақ, түрк дунйаси болуш сүпитимиз билән бизгә қарши елип бериливатқан тәтүр тәшвиқатларға  қарши туралаймиз. дунйа җамаәт пикири вә өзимизниң җамаәт пикирини тоғра шәкилләндүрәләймиз. бу арқилиқ түрк дунйаси вә дөләтлиримизгә қарши системилиқ һәрикәт қиливатқан актийорларға қарши һәқиқий күрәш қилғили болиду» дегәнниму сөзлиригә илавә қилди.



مۇناسىۋەتلىك خەۋەرلەر