qanunsiz ermen qoralliq küchliri bir ezerbeyjan eskirini shéhit qildi
ezerbeyjan dölet mudapie ministirliqi rusiye armiyesining kontrolluqidiki rayondin qanunsiz ermen qoralliq küchlirining oq chiqirishi netijiside, bir ezerbeyjan eskirining shéhit bolghanliqini élan qildi.
türkiye awazi radiyosi xewiri: ezerbeyjan dölet mudapie ministirliqi bir ezerbeyjan eskirining shéhit bolghanliqi toghrisida bayanat élan qildi.
bayanatta, shu yer waqti 18 din 15 minut ötkende qanunsiz ermen qoralliq küchliri teripidin étilghan oqta, afghan hamzayéwning jénidin ayrilghanliqi qeyt qilindi.
bayanatta, térrorluq hujumi dep qaralghan heriketning tekshürülüshi üchün, türkiye-rusiye ortaq közitish merkizige telep sunulghanliqi eskertildi.
rusiye, ezerbeyjan we erméniye tashqi ishlar ministirlirining minskta üch terep yighini échiwatqan peytte qanunsiz ermen qoralliq küchliri peyda qilghan bu térrorluq hujumining, qestenlik bilen qilinghan küshkürtchilik ikenliki tekitlengen bayanatta, erméniyening rayondiki weziyetni qesten keskinleshtürüshni, 2020-yili 10-öktebir imzalanghan üch terep kélishimining ijra qilinishigha tosqunluq qilishni we rusiye qisimlirining heriketlirige kölengge chüshürüshni meqset qilghanliqi qeyt qilindi.
bayanatta yene, térrorluq hujumi peyda qilghan qanunsiz erméniye qoralliq küchlirini bir terep qilish we ulardin hésab sorash üchün ezerbeyjan qanunlirigha uyghun halda zörür qedemlerning tashlinidighanliqi bildürüldi.
مۇناسىۋەتلىك خەۋەرلەر
shiwéytsariyede türk heptiliki paaliyiti ötküzülmekte
shiwéytsariyening jenwe shehiride türk heptiliki paaliyiti ötküzülmekte.
