қанунсиз әрмән қораллиқ күчлири бир әзәрбәйҗан әскирини шеһит қилди
әзәрбәйҗан дөләт мудапиә министирлиқи русийә армийәсиниң контроллуқидики райондин қанунсиз әрмән қораллиқ күчлириниң оқ чиқириши нәтиҗисидә, бир әзәрбәйҗан әскириниң шеһит болғанлиқини елан қилди.
түркийә авази радийоси хәвири: әзәрбәйҗан дөләт мудапиә министирлиқи бир әзәрбәйҗан әскириниң шеһит болғанлиқи тоғрисида байанат елан қилди.
байанатта, шу йәр вақти 18 дин 15 минут өткәндә қанунсиз әрмән қораллиқ күчлири тәрипидин етилған оқта, афған һамзайевниң җенидин айрилғанлиқи қәйт қилинди.
байанатта, террорлуқ һуҗуми дәп қаралған һәрикәтниң тәкшүрүлүши үчүн, түркийә-русийә ортақ көзитиш мәркизигә тәләп сунулғанлиқи әскәртилди.
русийә, әзәрбәйҗан вә әрменийә ташқи ишлар министирлириниң минскта үч тәрәп йиғини ечиватқан пәйттә қанунсиз әрмән қораллиқ күчлири пәйда қилған бу террорлуқ һуҗуминиң, қәстәнлик билән қилинған күшкүртчилик икәнлики тәкитләнгән байанатта, әрменийәниң райондики вәзийәтни қәстән кәскинләштүрүшни, 2020-йили 10-өктәбир имзаланған үч тәрәп келишиминиң иҗра қилинишиға тосқунлуқ қилишни вә русийә қисимлириниң һәрикәтлиригә көләңгә чүшүрүшни мәқсәт қилғанлиқи қәйт қилинди.
байанатта йәнә, террорлуқ һуҗуми пәйда қилған қанунсиз әрменийә қораллиқ күчлирини бир тәрәп қилиш вә улардин һесаб сораш үчүн әзәрбәйҗан қанунлириға уйғун һалда зөрүр қәдәмләрниң ташлинидиғанлиқи билдүрүлди.
