shimaliy qibris amérikagha qattiq naraziliq bildürdi

shimaliy qibris türk jumhuriyiti amérika qoshma ishtatlirining jenubiy qibris rum hakimiyitige herbiy matériyallarni sétip bérishni dawalashturush qararigha qattiq naraziliq bildürdi.

1713207
shimaliy qibris amérikagha qattiq naraziliq bildürdi

türkiye awazi radiyosi xewiri: shimaliy qibris türk jumhuriyiti tashqi ishlar ministirliqi teripidin élan qilinghan yazma bayanatta, jenubiy qibris rum hakimiyitige uda 10 nechche yildin buyan yolgha qoyup kéliwatqan qoral - yaragh sétip bérish cheklimisini aldinqi yili bikar qilghan amérika qoshma ishtatlirining,  herbiy sahede rum terep bilen bolghan munasiwetlirini kücheytiwatqanliqi, bu dairide, jenubiy qibris rum hakimiyitige herbiy matériyallarni yene bir yil sétip bérishni qarar qilghanliqi, bu qararni qobul qilghili bolmaydighanliqi eskertildi.

amérika qoshma ishtatlirining yéngi siyasitining rum terepke herbiy  matériyallarni ékisport qilish bilenla cheklinip qalmaydighanliqi, birleshme herbiy maniwér ötküzüsh we bashqa herbiy paaliyetlernimu öz ichige alidighanliqi qeyt qilinghan bayanatta, amérika qoshma ishtatlirining jenubiy qibris rum hakimiyitini herbiy jehettin üstünlükke ige qilidighan bu pozitsiyesining,  rum terepni ighwagerchilik paaliyetlirini téximu keng dairilik halda éélip bérishqa jasaretlendüridighanliqi tekitlendi.

rayonda muqimliqni saqlash terepdari ikenlikini  ilgiri sürüwatqan amérika qoshma ishtatlirining, rum terepni qollashtek bu pozitsiyesining, aralda we rayonda sürkilishni téximu ewj alduruwétishtin bashqa héchnémige esqetmaydighanliqi bildürülgen bayanatta, mundaq déyildi: «jenubiy qibris rum hakimiyitining qorallinish we herbiy itttipaqdashliqni kücheytish nishani, rayondiki we sahediki qanunluq heq – hoquqlirimiz hem menpeetlirimizni kapaletchi dölet türkiye bilen birlikte jan tikip qoghdishimizning qanchilik derijide toghra ikenlikini ispatlap bermekte. amérika qoshma ishtatlirinimu öz ichige alghan üchinchi tereplerdin, jenubiy qibris rum hakimiyitining ighwagerchlik siyasetlirini qollashtin waz kéchishlirini, hemde ikki döletlik igilik hoquqqa we xelqaraliq salahiyetlerge ige sijil bir kélishim hasil qilinishqa yardemchi bolushlirini kütüwatimiz. jenubiy qibris rum hakimiyitige uda 10 nechche yildin buyan yolgha qoyup kéliwatqan qoral - yaragh sétip bérish cheklimisini aldinqi yili bikar qilghan amérika qoshma ishtatliri, jenubiy qibris rum hakimiyitige herbiy matériyllarni ékisport qilishni yene bir yil dawamlashturush toghruluq 2021 – yili 30 – séntebir küni qarar maqullidi, rum terepke dawamliq herbiy matériyal sétip bérish nishan qilinghan bu qararni qobul qilghili bolmaydu.»



مۇناسىۋەتلىك خەۋەرلەر