eziz sanjargha pexriy doktorluq unwani bérildi

türkiye awazi radiyosi xewiri: 2015-yilliq nobél ximiye mukapatining sahibi proféssor doktor eziz sanjargha özbékistan yipek yoli xelqara sayahet uniwérsitéti teripidin pexriy doktorluq unwani bérildi.

piroféssor doktor eziz sanjar özbékistanning tarixi shehiri semerqentte teklipke asasen yipek yoli xelqara sayahet uniwérsitétini ziyaret qilip, oqughuchilar we léktorlar bilen körüshti. uchrishish jeryanida özbékistanning muawin bash ministiri, sayahet we tenterbiye ministiri bolghan uniwérsitét modiri eziz abduhakimow nobél mukapatigha érishken alim eziz sanjarning uniwérsitétqa qilghan ziyaritidin xushal bolghanliqini bildürdi.

uniwérsitét modirieziz abduhakimow uniwérsitét ilmiy komitétining eziz sanjargha pexriy doktorluq unwani bérishni qarar qilghanliqini élan qildi we pexriy doktorluq unwanini eziz sanjargha özi teqdim qildi.

piroféssor doktor eziz sanjar «türk dunyasidiki ilim-pen we dölet tereqqiyati» témiliq nutuq sözligendin kéyin oqughuchilarning soallirigha jawab berdi.

uniwérsitétning sherep deptirige imza qoyup, özbékistan oqughuchiliri we oqutquchiliri bilen xatire süretke chüshti. eziz sanjar 2018-yili öktebirdimu her xil uchrishishlarda bolush üchün özbékistangha barghan we oxshimighan uniwérsitétlar teripidin pexriy doktorluq unwani teqdim qilinghan idi.