әзиз санҗарға пәхрий докторлуқ унвани берилди

нобел мукапатиға еришкән алим әзиз санҗарға өзбекистанда пәхрий докторлуқ унвани берилди

1708618
әзиз санҗарға пәхрий докторлуқ унвани берилди

түркийә авази радийоси хәвири: 2015-йиллиқ нобел химийә мукапатиниң саһиби профессор доктор әзиз санҗарға өзбекистан йипәк йоли хәлқара сайаһәт университети тәрипидин пәхрий докторлуқ унвани берилди.

пирофессор доктор әзиз санҗар өзбекистанниң тарихи шәһири сәмәрқәнттә тәклипкә асасән йипәк йоли хәлқара сайаһәт университетини зийарәт қилип, оқуғучилар вә лекторлар билән көрүшти. учришиш җәрйанида өзбекистанниң муавин баш министири, сайаһәт вә тәнтәрбийә министири болған университет модири әзиз абдуһакимов нобел мукапатиға еришкән алим әзиз санҗарниң университетқа қилған зийаритидин хушал болғанлиқини билдүрди.

университет модириәзиз абдуһакимов университет илмий комитетиниң әзиз санҗарға пәхрий докторлуқ унвани беришни қарар қилғанлиқини елан қилди вә пәхрий докторлуқ унванини әзиз санҗарға өзи тәқдим қилди.

пирофессор доктор әзиз санҗар «түрк дунйасидики илим-пән вә дөләт тәрәққийати» темилиқ нутуқ сөзлигәндин кейин оқуғучиларниң соаллириға җаваб бәрди.

университетниң шәрәп дәптиригә имза қойуп, өзбекистан оқуғучилири вә оқутқучилири билән хатирә сүрәткә чүшти. әзиз санҗар 2018-йили өктәбирдиму һәр хил учришишларда болуш үчүн өзбекистанға барған вә охшимиған университетлар тәрипидин пәхрий докторлуқ унвани тәқдим қилинған иди.



مۇناسىۋەتلىك خەۋەرلەر