shimaliy qibrista «1 – awghust ammiwi küresh bayrimi» tebriklendi

türkiye awazi radiyosi xewiri: «1 – awghust ammiwi küresh bayrimi» munasiwiti bilen atatürk abidesi, lefkosha shéihitlar abidesi we atatürk medeniyet merkizide ayrim - ayrim murasimlar ötküzüldi.

shimaliy qibris türk jumhuriyiti jumhur reisi ersin tatar, atatürk medeniyet merkizide ötküzülgen murasimda qilghan sözide, qibrista 450 yilliq tarixqa ige ikenliklirini tekitlep mundaq dédi: «1571 – yili, 1 – awghust küni, osmanli impériyesi qoshunlirining qibrisni pethi qilishi bilen qibris türklirining qibristiki hayat – mamatliq kürishi bashlandi. oxshimighan basquchlar we dewrlerni bashtin kechürduq. qibris türk xelqi millitimizge layiq rewishte bu muqeddes térrotériyelerde izchil küresh qildi. pütkül bu küresh hékayiriliride türkiye jumhuriyiti we anadolu türkliri herdaim yénimizda idi.»

türk qarshiliq körsitish teshkilatining 1958 – yili, 1 – awghust küni bir mudapie teshkilati süpitide qurulghanliqini eskertken tatar, 1955 – yili térrorluq teshkilati EOKA ning shermendilerche hujumlirining bashlanghanliqini we qibrisning girétsiye bilen birleshtürülüshi üchün her türlük wehshilik we zulum – sitemge murajiet qilinghanliqini éytti.

qibrista uzun yillar fédératsiye tüzümi heqqide muzakire élip bérilghanliqini, lékin buning emdi héchqandaq ehmiyitining qalmighanliqini eskertken tatar, mundaq dep körsetti: «nöwette biz, ikki döletlik tüzüm ornatqan we yanmuyan igilik hoquqluq ikki dölet hemkarlashqandila andin qibrista uzaq mezgillik kélishim hasil qilghili bolidighanliqini otturigha qoyuwatimiz. xelqimizmu erkin iradisi arqiliq buni maqullaydighanliqini namayen qildi. eng muhimi, türkiyening bu siyasetni toluq qollishidur.»