қазақистанда тунҗи қетим наһийә һакимлири хәлқ тәрипидин сайлинидиған болди

қазақистанда өлкә валийлири тәрипидин тәйинлинидиған наһийә һакимлири тунҗи қетим бүгүн өткүзүлидиған сайламда хәлқ тәрипидин бәлгилинидиған болди.

1679737
қазақистанда тунҗи қетим наһийә һакимлири хәлқ тәрипидин сайлинидиған болди

түркийә авази радийоси хәвири: қазақистан мәркизи сайлам комитетиниң байанатида, дөләт миқйасида 1847 беләт сандуқи қурулғанлиқи вә 1 милйон 210 миң сайлиғучиниң беләт ташлайдиғанлиқи билдүрүлди.

дөләт миқйасидики 730 наһийә һакими тунҗи қетим хәлқниң беләт ташлиши арқилиқ бәлгилинидиған сайламда, җәмий 2 миң 582 намзат риқабәткә чүшиду. сайлам нәтиҗиси 3 күн ичидә елан қилиниду.

қазақистан пирезиденти қасим җомәрт тоқайев өткән йили аммиға қилған хитабида, дөләт ичидики наһийә һакимлириниң хәлқ тәрипидин сайлиниши керәкликигә даир тәклипини оттуриға қойған вә өткән йили майда бу тәклипниң йолға қойулуши үчүн зөрүр болған қанун лайиһәсини тәстиқлиған иди.

тоқайевниң билдүришичә, омумий нопусниң 40 пирсәнти йеза-қишлақларда йашайдиған  болуп, мәзкур сайламлар дөләтниң сийасий заманивилишишидики муһим бир басқуч болидикән.



مۇناسىۋەتلىك خەۋەرلەر