shimaliy qibris türk jumhuriyiti yawropa ittipaqigha naraziliq bildürdi

shimaliy qibris türk jumhuriyiti tashqi ishlar ministirliqi, yawropa ittipaqi komitétining muawin reisi, qoshumche tashqi ishlar we bixeterlik siyasitining yuqiri derijilik wekili josép borrélning qibris toghrisidiki bayanatigha naraziliq bildürdi.

1678198
shimaliy qibris türk jumhuriyiti yawropa ittipaqigha naraziliq bildürdi

türkiye awazi radiyosi xewiri: shimaliy qibris türk jumhuriyiti tashqi ishlar ministirliqi: «yépiq marash shimaliy qibris türk jumhuriyitining zémini bolup, bashqa her qandaq döletke oxshash, dölitimizningmu öz zéminida mutleq igilik hoquqi bar» dep bayanat élan qildi.

ministirliqning yazma bayanatida, yawropa ittipaqi komitétining muawin reisi, qoshumche tashqi ishlar we bixeterlik siyasitining yuqiri derijilik wekili josép borrélning, jenubiy qibris rim dairilirige yan bésip bir tereplime bayanat élan qilghanliqi otturigha qoyuldi.

bayanatta, borrélning yépiq marashqa alaqidar sözlirining, yawropa ittipaqining qibris mesiliside biterep turushni xalimaydighanliqini yene bir qétim ashkarilighanliqigha isharet qilinip: «yépiq marash shimaliy qibris türk jumhuriyitining zémini bolup, bashqa her qandaq döletke oxshash, dölitimizmu öz zéminida mutleq igilik hoquqigha ige. hörmetlik jumhur reisimiz we hökümitimizning yépiq marash toghrisida chiqarghan, jumhur reisimiz teripidin qibris türk xelqi üchün intayin muhim bolghan bir künde élan qilinghan bu qarargha bu ramka ichide qarash kérek. bu basquchta bizning yépiq marashning bir qismining herbiy rayonluq salahiyitini bikar qilish qararimizgha oxshash, kelgüsi qararlirimizmu, shübhisizki, mülük hoquqigha mutleq hörmet qilghan asasta qobul qilinidu» dégen ibarilerge orun bérildi.

jenubiy qibris rim dairilirini shertsiz qollashni dawamlashturuwatqan yawropa ittipaqi emeldarlirining bayanatlirining héchqandaq exlaqiy qimmitining yoqluqi tekitligen bayanatta, borrélning qibris türk xelqining iradisige xilap halda, b d t xewpsizlik kéngishining ötmüshning qalduqlirigha aylanghan qararlirigha isharet qilishining bihude ikenliki qey qilindi.

qibris türk xelqining qibris mesilisini hel qilish endizisi heqqidiki qararini chiqirip bolghanliqi bayan qilinghan bayanatta, bu qararning shimaliy qibris türk jumhuriyitining igilik hoquq barawerliki we barawer xelqara sehne salahiyitige hörmet qilishni asas qilghanliqi, yawropa ittipaqi bu heqiqetni haman bir küni tonup yétidighanliqi tekitlendi.

bayanatta yene: «qibris türk xelqining mewjutluqinimu nezerdin saqit qilghan yawropa ittipaqining bayanatlirigha qarshi, ana weten türkiye bilen birlikte qanunluq heq we menpeetlirimizni qoghdash iradimizning qetiy ikenlikini bu ehmiyetlik künde yene bir qétim tekitleymiz» dégen ibarilerge orun bérildi.


خەتكۈچ: #uyghurche , #yawropa , #türkiye , #qibris

مۇناسىۋەتلىك خەۋەرلەر