özbékstan türkpagha eza bolidu

özbékstan türk tillirida sözlishidighan döletler parlaménti-türkpa (TÜRKPA) gha eza bolushni qarar qildi.

1662845
özbékstan türkpagha eza bolidu

türkiye awazi radiyosi xewiri: özbékstanni ziyaret qiliwatqan qazaqistan, qirghizistan we türkiye parlamént ezaliridin teshkillengen türkpa heyitige bashchiliq qilghan adalet we tereqqiyat partiyesining istanbul parlamént ezasi ismet uchma we uning hemrahliqidiki heyet, özbékstan kéngesh palatasining birinchi muawin bashliqi sadiq safayéw bilen körüshti.

körüshüshte, türk kéngishige eza döletler bilen özbékstan otturisidiki munasiwetlerning ehwali we özbékstan parlaménti hemde türkpa otturisidiki hemkarliqlarni tereqqiy qildurushqa munasiwetlik mesililer muzakire qilindi.

türkpa heyitige bashchiliq qilghan ismet uchma özbékstanning burunqigha oxshash, künimizdimu türk dunyasida alahide orungha ige ikenlikini eskertip, türkpaning özbékstan bilen her sahe boyiche munasiwetlirini tereqqiy qildurushni xalaydighanliqini tekitlidi.

özbékstan kéngesh palatasining birinchi muawin bashliqi sadiq safayéw özbékstanningmu türk kéngishi bilen munasiwetlirini tereqqiy qildurushqa alahide ehmiyet béridighanliqini eskertip, bu ramkida özbékstan parlaméntining türkpa bilen munasiwetlirini téximu tereqqiy qildurush niyiti barliqini qeyt qildi.

u özbékstanning kéyinki mezgilde türkpagha eza bolushni pilan qiliwatqanliqini bildürüp: «özbékstan türkpagha eza bolush toghrisida qarar aldi» dédi.



مۇناسىۋەتلىك خەۋەرلەر