térorluq teshkilati daésh kerkükte bir saqchini öltürdi
iraqning kerkük shehiride térorluq teshkilati daésh ezaliri teripidin iraq fédératip saqchi qismigha tewe tekshürüsh ponkitigha qilinghan hujumda bir saqchi qaza qildi.
türkiye awazi radiyosi xewiri: bixeterlik médiya tori teripidin élan qilinghan yazma bayanatta, riyad nahiyesi etrapidiki bir tekshürüsh ponkitigha térorluq teshkilati daéshning hujum qilghanliqi bildürüldi.
bayanatta, hujumda bir saqchining hayatidin ayrilghanliqi we rayonda keng kölemlik herbiy heriketning bashlanghanliqi uqturuldi.
térorluq teshkilati daésh 2014-yili iraqning mosul, salahaddin we enbar wilayetlirining hemmisini shundaqla diyala we kerkük wilayetlirining bir qismini ishghal qilghan bolup, bu rayonlar bir nechche yil ichide daéshtin qayturuwélinghan idi.
eyni waqittiki bash ministir heyder elabadi 2017-yili 12-ayning 9-küni daéshqa qarshi küreshte ghelibe qilghanliqini élan qilghan idi.
iraqning daéshtin tazilanghanliqigha 4 yil bolghan bolsimu, mezkur wilayetlerning yézilirida daéshning hujumliri hazirmu dawamlashmaqta.
