qazaqistan türkiyeni gherbke, ottura sherqqe we afriqagha échilghan ishik süpitide köridu

türkiye awazi radiyosi xewiri: qazaqistanning enqerede turushluq bash elchisi abzal saparbequli türkiyening qazaqistangha eng köp meblegh salghan 10 dölet qataridin orun alidighanliqini bildürüp: «türkiye qazaqistanni sherqqe échilidighan ishik, qazaqistanmu türkiyeni gherbke, ottura sherqqe we afriqagha échilghan ishik süpitide köridu» dédi.

u qazaqistan elchixanisida échilghan axbarat élan qilish yighinida: «qazaqistan türkiye ehmiyet bériwatqan ottura karidorni téximu tereqqiy qildurushni xalaydu» dédi.

u mezkur mesilide, türkiye, qazaqistan we ezerbeyjangha oxshash döletlerning qatnishishi astida bir yighin ötküzülidighanliqini bildürüp: «meqsitimiz qazaqistan-türkiye munasiwetlirini her sahe boyiche tereqqiy qildurush. ötken yili (2021) qazaqistandiki türkiye mebleghliri üchün intayin muhim yil boldi. 2019-yilimu musteqilliq tarixidiki eng köp mebleghni özige jelp qilghan qazaqistanda, bu rékort wuxen wirusi (Kovid-19) gha qarimay yene buzuldi» dédi.

u türkiyening qazaqistangha eng köp meblegh salghan 10 döletning qataridin orun alidighanliqini eskertip: «türkiye qazaqistanni sherqqe échilidighan ishik, qazaqistanmu türkiyeni gherbke, ottura sherqqe we afriqagha échilghan ishik süpitide köridu» dédi.

u, bu yil (2021) malatya, qeyseri, konya we mersinge oxshash sheherlerdiki bezi shirketlerning qazaqistanda 10 fabrika échishini kütidighanliqlirini qeyt qildi.