қазақистан түркийәни ғәрбкә, оттура шәрққә вә африқаға ечилған ишик сүпитидә көриду

қазақистанниң әнқәрә баш әлчиси абзал сапарбәқули: « түркийә қазақистанни шәрққә ечилидиған ишик, қазақистанму түркийәни ғәрбкә, оттура шәрққә вә африқаға ечилған ишик сүпитидә көриду» деди.

1655674
қазақистан түркийәни ғәрбкә, оттура шәрққә вә африқаға ечилған ишик сүпитидә көриду

түркийә авази радийоси хәвири: қазақистанниң әнқәрәдә турушлуқ баш әлчиси абзал сапарбәқули түркийәниң қазақистанға әң көп мәбләғ салған 10 дөләт қатаридин орун алидиғанлиқини билдүрүп: «түркийә қазақистанни шәрққә ечилидиған ишик, қазақистанму түркийәни ғәрбкә, оттура шәрққә вә африқаға ечилған ишик сүпитидә көриду» деди.

у қазақистан әлчиханисида ечилған ахбарат елан қилиш йиғинида: «қазақистан түркийә әһмийәт бериватқан оттура каридорни техиму тәрәққий қилдурушни халайду» деди.

у мәзкур мәсилидә, түркийә, қазақистан вә әзәрбәйҗанға охшаш дөләтләрниң қатнишиши астида бир йиғин өткүзүлидиғанлиқини билдүрүп: «мәқситимиз қазақистан-түркийә мунасивәтлирини һәр саһә бойичә тәрәққий қилдуруш. өткән йили (2021) қазақистандики түркийә мәбләғлири үчүн интайин муһим йил болди. 2019-йилиму мустәқиллиқ тарихидики әң көп мәбләғни өзигә җәлп қилған қазақистанда, бу рекорт вухән вируси (Kovid-19) ға қаримай йәнә бузулди» деди.

у түркийәниң қазақистанға әң көп мәбләғ салған 10 дөләтниң қатаридин орун алидиғанлиқини әскәртип: «түркийә қазақистанни шәрққә ечилидиған ишик, қазақистанму түркийәни ғәрбкә, оттура шәрққә вә африқаға ечилған ишик сүпитидә көриду» деди.

у, бу йил (2021) малатйа, қәйсәри, конйа вә мәрсингә охшаш шәһәрләрдики бәзи ширкәтләрниң қазақистанда 10 фабрика ечишини күтидиғанлиқлирини қәйт қилди.



مۇناسىۋەتلىك خەۋەرلەر