mongghuliyening yéngi pirézidénti mueyyenleshti

hakimiyet béshidiki mongghuliye xelq partiyesining reisi shundaqla döletning sabiq bash ministiri uxnagiyin xurélsux mongghuliyening yéngi pirézidénti bolup saylanghanliqini élan qildi.

1655381
mongghuliyening yéngi pirézidénti mueyyenleshti

türkiye awazi radiyosi xewiri: mongghuliye saylam heyiti élan qilghan éniqsiz saylam netijisige asaslanghanda, uxnagiyin xurélsux (tünügünki) texminen 1 milyon 75 ming saylighuchi bélet tashlighan saylamda, 820 mingdin artuq béletke érishken.

saylamdiki bashqa ikki kandidattin mutleq üstünlükni igiligen 52 yashliq xurélsux, bu netije bilen ghelbisini élan qildi.

xurélsux élan qilghan bayanatida, «kishiler manga bolghan ishenchisini namayan qildi. men pütün küchüm bilen mongghuliye üchün xizmet qilimen» dédi.

pirézidéntliq saylimigha namzat bolush üchün yanwarda bash ministirliq wezipisidin istipa bergen xurélsux, öktichi démokratlar partiyesining sabiq rehbiri sodnomzundun érdén we sabiq parlamént ezasi dangasuréngin énxbat bilen riqabetke chüshken idi.

2019-yili mongghuliyede asasiy qanungha tüzitish kirgüzülgendin kéyin, pirézidéntning qayta saylinish hoquqi bolmaydighanliqi we 6 yil wezipe öteydighanliqi qarar qilinghan idi.



مۇناسىۋەتلىك خەۋەرلەر