mustafa shentop: türk dunyasidiki ittipaqliqning mustehkemlinishi iptixarlinish menbeyimizdur

türkiye büyük milliy mejlisi bashliqi mustafa shentop türk dunyasidiki ittipaqliqning mustehkemlinishi we hemkarliqning künséri küchiyiwatqanliqi iptixarlinish menbesi ikenlikini éytti.

1654911
mustafa shentop: türk dunyasidiki ittipaqliqning mustehkemlinishi iptixarlinish menbeyimizdur

türkiye awazi radiyosi xewiri: mustafa shentop türkiy jumhuriyetlirining musteqilliqining 30 - yilliqi we ezerbeyjanning ikkinchi qarabagh urushidiki zor ghelbisi shundaqla türkiye büyük milliy mejlisining échilghanliqining 100 - yilliqi munasiwiti bilen türkiy jumhuriyetler parlaménti xelqara katibat bashqarmisi we ezerbeyjan atatürk merkizining hemkarliqida ötküzülgen «türk dunyasining ötmüshi, bügüni we kelgüsi»  témiliq ilmiy muhakime yighinigha sinliq uchur yollidi.

mustafa shentop uchurida: «türk dunyasidiki hemkarliqning kündin-künge mustehkemlinishi we ittipaqliqimizning künséri küchiyiwatqanliqi iptixarlinish menbeyimizdur. biz oxshash dingha étiqad qilidighan, oxshash tilda sözlishidighan, medeniyiti, tarixi we kültüri bir bolghan 300 milyon kishilik intayin chong bir ailimiz. siyasettin iqtisadqiche, mudapiedin diplomatiyegiche, maariptin medeniyetkiche, we sayahetchiliktin énérgiyegiche bolghan her sahede ittipaqliq, barawerlik we hemkarliq ichide bolushqa tirishimiz» dédi.

mustafa shentop türkiy jumhuriyetlirining kelgüsidiki asasliq mesuliyitining özara rishtilirini téximu kücheytish, hemkarliqni ilgiri sürüsh we türk medeniyitining menggü yashnishini kapaletke ige qilidighan qedemlerni tashlishi ikenlikini tekitlidi.

mustafa shentop ezerbeyjanning kawkazning merwayiti bolghan  qarabaghni  (erméniye) ishghaliyitidin azad qilish üchün tarixiy ehmiyetke ige küresh qilghanliqini tekitlep, «qérindashlirimiz étiqadliri, yürekliri, jasaretliri we qetiy iradisi bilen öz dölitining musteqilliqi we kelgüsining eng chong kapaliti ikenlikliklirini urush meydanidin pütün dunyagha jakarlidi. biz türkiye bolush süpitimiz bilen nishanimizni we maslishishchan rayonluq hemkarliq teshebbumizni dölitimiz we xelqimizning menpeetige mas halda dawamlashturushta qetiy iradige ige ikenlikimizni buyerdin yene bir qétim jakarlimaqchimen» dédi.



مۇناسىۋەتلىك خەۋەرلەر