мустафа шәнтоп: түрк дунйасидики иттипақлиқниң мустәһкәмлиниши иптихарлиниш мәнбәйимиздур

түркийә бүйүк миллий мәҗлиси башлиқи мустафа шәнтоп түрк дунйасидики иттипақлиқниң мустәһкәмлиниши вә һәмкарлиқниң күнсери күчийиватқанлиқи иптихарлиниш мәнбәси икәнликини ейтти.

1654911
мустафа шәнтоп: түрк дунйасидики иттипақлиқниң мустәһкәмлиниши иптихарлиниш мәнбәйимиздур

түркийә авази радийоси хәвири: мустафа шәнтоп түркий җумһурийәтлириниң мустәқиллиқиниң 30 - йиллиқи вә әзәрбәйҗанниң иккинчи қарабағ урушидики зор ғәлбиси шундақла түркийә бүйүк миллий мәҗлисиниң ечилғанлиқиниң 100 - йиллиқи мунасивити билән түркий җумһурийәтләр парламенти хәлқара катибат башқармиси вә әзәрбәйҗан ататүрк мәркизиниң һәмкарлиқида өткүзүлгән «түрк дунйасиниң өтмүши, бүгүни вә кәлгүси»  темилиқ илмий муһакимә йиғиниға синлиқ учур йоллиди.

мустафа шәнтоп учурида: «түрк дунйасидики һәмкарлиқниң күндин-күнгә мустәһкәмлиниши вә иттипақлиқимизниң күнсери күчийиватқанлиқи иптихарлиниш мәнбәйимиздур. биз охшаш динға етиқад қилидиған, охшаш тилда сөзлишидиған, мәдәнийити, тарихи вә күлтүри бир болған 300 милйон кишилик интайин чоң бир аилимиз. сийасәттин иқтисадқичә, мудапиәдин дипломатийәгичә, маариптин мәдәнийәткичә, вә сайаһәтчиликтин енергийәгичә болған һәр саһәдә иттипақлиқ, баравәрлик вә һәмкарлиқ ичидә болушқа тиришимиз» деди.

мустафа шәнтоп түркий җумһурийәтлириниң кәлгүсидики асаслиқ мәсулийитиниң өзара риштилирини техиму күчәйтиш, һәмкарлиқни илгири сүрүш вә түрк мәдәнийитиниң мәңгү йашнишини капаләткә игә қилидиған қәдәмләрни ташлиши икәнликини тәкитлиди.

мустафа шәнтоп әзәрбәйҗанниң кавказниң мәрвайити болған  қарабағни  (әрменийә) ишғалийитидин азад қилиш үчүн тарихий әһмийәткә игә күрәш қилғанлиқини тәкитләп, «қериндашлиримиз етиқадлири, йүрәклири, җасарәтлири вә қәтий ирадиси билән өз дөлитиниң мустәқиллиқи вә кәлгүсиниң әң чоң капалити икәнликликлирини уруш мәйданидин пүтүн дунйаға җакарлиди. биз түркийә болуш сүпитимиз билән нишанимизни вә маслишишчан районлуқ һәмкарлиқ тәшәббумизни дөлитимиз вә хәлқимизниң мәнпәәтигә мас һалда давамлаштурушта қәтий ирадигә игә икәнликимизни буйәрдин йәнә бир қетим җакарлимақчимән» деди.



مۇناسىۋەتلىك خەۋەرلەر