қирғизистан пирезиденти садир җаппаров түркийәни зийарәт қилиду

қирғизистан пирезиденти садир җаппаровниң 9-11-ийун күнлири түркийәдә рәсмий зийарәттә болидиғанлиқи елан қилинди.

1653495
қирғизистан пирезиденти садир җаппаров түркийәни зийарәт қилиду

түркийә авази радийоси хәвири: қирғизистан пирезидентлиқ мәһкимиси ташқи сийасәт идарисиниң башлиқи дастан дүшәкәйев пирезидент садир җаппаровниң рәсмий зийарәт даирисидә, түркийә җумһур рәиси рәҗәп таййип әрдоған билән көрүшидиғанлиқини билдүрди.

у дүшәкәйев икки рәһбәрниң түрк тиллирида сөзлишидиған дөләтләр һәмкарлиқ кеңиши (түрк кеңиши) рамкисида, икки вә көп тәрәплик һәмкарлиқлардин башқа, нөвәттики вәзийәт тоғрисидиму өзара пикир алмаштуридиғанлиқини ейтти.

у икки дөләт рәһбәрлириниң қатнишиши астида қирғизистан-түркийә истратегийәлик һәмкарлиқи алий кеңишиниң 5-қетимлиқ йиғининиң өткүзүлидиғанлиқини, җаппаровниң түркийә бүйүк милләт мәҗлиси (парламенти) ниң башлиқи мустафа шәнтоп билән көрүшидиғанлиқини әскәртти.

у йәнә, җаппаровниң қирғизистан-түркийә сода-санаәтчиләр мунбиридә, сода-санаәтчиләргә хитаб қилидиғанлиқини вә түркийәдики қирғизистанлиқлар, оқуғучилар вә пайтәхт әнқәрәдә паалийәт қилватқан иҗтимаий тәшкилатларниң вәкиллири билән көрүшидиғанлиқини қәйт қилди.



مۇناسىۋەتلىك خەۋەرلەر