ezerbeyjan chégrasidin ötken erméniye eskerliri chékindürüldi

türkiye awazi radiyosi xewiri: ezerbeyjan mudapie ministirliqi bayanat élan qilip, tünügün kechte 40 qa yéqin ermen eskerning kelbejer nahiyesining armutlu yézisi teripidiki ezerbeyjan zéminlirigha 400 métir ichkirilep kirgenliki we ezerbeyjan armiyesining qoral ishletmestin yolgha qoyghan aldini élish tedbirliri netijiside chékinip chiqip ketkenlikini uqturdi.

erméniye eskerlirining ezerbeyjan zéminlirigha qanunsiz kirishige «ighwagerchilik peyda qilish» dep baha bérilgen bayanatta, barliq jawabkarliqning erméniye terepke tewe ikenliki qeyt qilindi.

bayanatta, buninggha oxshash urunushlarning buningdin kéyinmu ezerbeyjan armiyesining qetiy qarshiliq körsitishige uchraydighanliqi tekitlendi.

ministirliq, erméniyeni mesuliyetchanliq bilen heriket qilishqa, qoshna döletlerning chégralirigha we zémin pütünlükige hörmet qilishqa, shundaqla rayonning weziyitini jiddiyleshtürüwétidighan ighwargerchiliklerdin saqlinishqa chaqirdi.