әзәрбәйҗан армийәси алтә әрмән әскирини әсир алди

әзәрбәйҗан мудапиә министирлиқи, кәлбәҗәр районида чеградин өтүп арқа сәп йоллириға мина орунлаштурушқа урунған алтә әрменийә әскириниң әсир елинғанлиқини уқтурди.

1646558
әзәрбәйҗан армийәси алтә әрмән әскирини әсир алди

түркийә авази радийоси хәвири: әзәрбәйҗан мудапиә министирлиқи, шу җай вақти кечә саәт 03:00 әтрапида әрменийә армийәсиниң бир бузғунчилиқ селиш гурупписиниң кәлбәҗәр шәһириниң йуқири айрим райони чегра бойидики әзәрбәйҗан армийәси базилириға баридиған арқа сәп йолиға мина көмүшкә урунғанлиқини вә мәзкур әскәрләрниң муһасиригә елинип қолға чүшүрүлгәнликини уқтурди.

әтигәндә чеградики әрменийә әскәрлириниң танка вә биронивеклириниң һәрикәтлинишкә башлиғанлиқи, әзәрбәйҗан армийәси йолға қойған алдини елиш тәдбирлири нәтиҗисидә һәрикәтлинишниң ахирлашқанлиқи қәйт қилинди.

әзәрбәйҗан мудапиә министирлиқиниң байанатида йәнә «район қисимлиримиз тәрипидин контрол қилинмақта» дегән ибариләргә орун берилди.



مۇناسىۋەتلىك خەۋەرلەر