qirghizistan pirézidéntliq tüzümge resmiy qedem qoydi

türkiye awazi radiyosi xewiri: qirghizistan pirézidéntliq mehkimisi metbuat ishliri ishxanisi bayanat élan qilip, pirézidént sadir japarowning 11 – apréldiki omumiy xelq bélet tashlash paaliyiti arqiliq qobul qilinghan yéngi asasiy qanunning ijra qilinishini mezmun qilghan qanunni ijraiye, edliye we qanun chiqirish organlirining wekilliri ishtirak qilghan bir murasimda imzalighanliqini uqturdi.

yéngi asasiy qanunning ijra qilinishqa bashlinishi bilen, qirghizistan 2011 – yilidin buyan yolgha qoyulup kéliwatqan parlaméntliq tüzümdin waz kéchip pirézidéntliq tüzümge ötti.

mezkur sistémida ministirlar, döletning yuqiri derijilik emeldarliri we waliylar pirézidént teripidin teyinlinidu.

dölette yene, tewsiye xaraktérlik qararlarni chiqiridighan «xelq qurultiyi» namliq yéngi bir organ tesis qilinidu.

qirghizistan xelqining %79.18 i omumiy xelq bélet tashlash paaliyitide döletning pirézidéntliq tüzümige ötüshini qollaydighanliqini bildürgenidi.