әрдоған түрк кеңиши йиғинида шуша шәһирини зийарәт қилиш пиланини елан қилди

түркийә җумһур рәиси рәҗәп таййип әрдоған әзәрбәйҗанниң әрменийә ишғалийитидин азад қилинған шуша шәһирини зийарәт қилишни пиланлиғанлиқини билдүрди.

1612237
әрдоған түрк кеңиши йиғинида шуша шәһирини зийарәт қилиш пиланини елан қилди

түркийә авази радийоси хәвири: җумһур рәис рәҗәп таййип әрдоған әзәрбәйҗанниң әрменийә ишғалийитидин азад қилинған шуша шәһирини зийарәт қилишни пилан қилғанлиқини билдүрүп: «роза һейттин (13-15-май) кейин шушани зийарәт қилип, у йәрдә йеңи һейт өткүзүшни үмид қилимиз» деди.

рәҗәп таййип әрдоған түрк кеңиши дөләт башлиқлири йиғиниға, истанбулдин синлиқ қатнашти.

у: «дунйа дуч кәлгән өзгиришләр, түрк кеңишиға охшаш һәмкарлиқ тәшкилатлириниң әһмийитини техиму өстүриду. 12 йиллиқ мусапидә системилишишни ахирлаштурған түрк кеңишиниң хәлқаралиқ етибари йуқири. әмди кеңишимизни хәлқаралиқ тәшкилат сүпитидә аташниң вақтиниң кәлгәнликигә ишинимән» деди.

у сөзини мундақ давамлаштурди:

«әзиз қериндишим әзәрбәйҗан пирезиденти илһам әлийевни вә барлиқ әзәрбәйҗанлиқ қериндашлиримни тағлиқ қарабағдики зәпәрлири үчүн йәнә бир қетим тәбрикләймән. тағлиқ қарабағдики түрк йадикарлиқлириниң қоғдилиши вә қайта қурулуши үчүн барлиқ имканийитимиз билән әзәрбәйҗанни давамлиқ қоллишимиз муһим әһмийәткә игә. әң қисқа вақит ичидә, йәни роза һейттин кейин шушани зийарәт қилип, у йәрдә йеңи һейт өткүзүшни үмид қилимиз.»

у қибрис мәсилиси үстидиму тохталди вә: «күчимизни бирләштүрүп, қибрис түрклирини лайиқ болған орунға игә қилидиғанлиқимизға ишинимән» деди.

у түрк кеңишиниң 8-нөвәтлик рәһбәрләр йиғининиң, вухән вируси (Kovid-19) шәртлиригә әсасән 2021-йили 12-нойабир истанбулда өткү зүлүшини үмид қилидиғанлиқлирини билдүрди.



مۇناسىۋەتلىك خەۋەرلەر