türkistanda esirler boyi saqlinip kelgen xoja ehmet yesewi höjjetliri otturigha chiqti

türkiye awazi radiyosi xewiri: tarixi qolyazmilar, tamghiliq höjjetler we uzunluqi 3 yérim métir kélidighan neseb shejerisi, 13-esirde yüsüp ata teripidin chaghatay tilida yézilghanliqi éniqlandi.

xoja ehmet yesewi jemetining türkistan shehiridiki öyide saqlanghan bu höjjetler, muzéygha iane qilinidighan we höjjette yézilghanliri nurghun tillargha terjime qilinidighan boldi.

tarixi höjjetler ewladmu ewlad dawamliship, xoja ehmet yesewining jiyeni yüsüp ataning newriliri teripidin qoghdap kélingen idi. esirler boyi mexpiy saqlap kélingen bu höjjetler emdi otturigha chiqirildi.

yüsüp ataning newrisi seydalim yoldashéw: «sabiq sowét ittipaqi dewride biz bu höjjetni héchkishige körsetmeyttuq. u dewrlerde bu xil höjjetni ne özimiz saqliyalmayttuq, ne bashqilargha bérelmeyttuq. bu höjjetning ashkarilinidighan waqti yétip keldi» dédi.

bu höjjetler xoja ehmet yesewi dewrige ait muhim qararlar, yer namliri, chégra melumatliri we kishilerning kündilik turmushigha alaqidar tepsilatlarnimu öz ichige alidu.

seydalim yoldashéw: « bu höjjetlerde xoja ehmet yesewining oqughuchiliri méhman qilghan chaghdiki dastixangha qoyulghan yémeklerge dair melumatlarmu bar. xoja ehmet yesewige eyni chaghda 12 xil üzüm sunulghan iken» dédi.

dewrlerge duél élan qilghan bu  qimmetlik höjjetler hezreti sultan tarix we medeniyet qoghdash muzéyigha tapshurup bérilidighan boldi.

hezret sultan muzéyining diréktori nurbolat ehmetjanow: «otturigha chiqqan bu tarixiy höjjetler muzéy mutexessisliri teripidin tekshürülidu. ilgiri körülmigen yéngi melumatlar otturigha chiqishi mumkin. biz höjjetlerni qazaqche terjime qilip, kitab qilip neshr qilishni oylishiwatimiz» dédi.

nurbolat ehmetjanow xoja ehmet yesewi toghrisidiki tetqiqatlarning dölet ichi we sirtida dawam qilidighanliqini tekitlidi.