өзбекистанда «нәвруз байрими» мунасивити билән 140 мәһбус кәчүрүм қилинди

өзбекистанда «нәвруз байрими» мунасивити билән пирезидент шәвкәт мирзийойев тәрипидин имзаланған қарарнамәгә асасән 140 мәһбус кәчүрүм қилинди.

1605104
өзбекистанда «нәвруз байрими» мунасивити билән 140 мәһбус кәчүрүм қилинди

түркийә авази радийоси хәвири: өзбекистан пирезидент мәһкимиси ахбарат васитилири ишханисиниң билдүрүшичә, мирзийойев, «нәвруз байрими» мунасивити билән, «җинайитигә пушайман қилған вә өзгиришкә қарап йүзләнгән мәһбуслар» ни кәчүрүм қилиш қарарнамәсини имзалиған.

қарарнамәгә асасән, 140 мәһбустин 73 и қойуп берилидикән, 67 синиң җаза муддити қисқартилидикән.

кәчүрүм қилинған мәһбуслардин 14 и қанунсиз тәшкилат мәнсбуби, 9 и 60 йаштин чоң кишиләр, 13 и айал, 12 си чәт әллик икән.

қарарнамәгә асасән, мунасивәтлик министирлиқ вә дөләт органлириға, кәчүрүм қилинип, қойуп берилидиған мәһбусларниң җәмийәткә маслишишини ишқа ашуруш вәзиписи тапшурулған.

игилинишичә, өзбекистанда, пирезидент тәрипидин миллий вә диний байрамлар мунасивити билән «җинайитигә пушайман қилған вә өзгиришкә қарап йүзләнгән мәһбуслар» үчүн кәчүрүмнамә елан қилинидикән.



مۇناسىۋەتلىك خەۋەرلەر