eliyéw fuzuli we xojawendni ziyaret qildi

ezerbeyjan pirézidénti ilham eliyéw erméniyening ishghaliyitidin azad qilinghan fuzuli we xojawend wilayetlirini ziyaret qildi.

1602069
eliyéw fuzuli we xojawendni ziyaret qildi

türkiye awazi radiyosi xewiri: ezerbeyjan pirézidénti ilham eliyéwning repiqisi méhriban eliyéw, ammiwi ortaqlishish tor béti Instagram sehipiside hembehirligen körünüshlük uchurlarda, pirézidént ilham eliyéwning aptomobilini özi heydep, fuzuli we xojawend wilayetlirini ziyaret qilghanliqi körülidu. jümlidin, körünüshlerde, eliyéw, yol boyi weyrane halettiki olturaq mehellilirini körsitip, bu yézilarning erméniye küchliri teripidin weyran qiliwétilgenlikini éytidu.

olturaq mehelliliridin biride dem alghan eliyéw, ishghaldin azad qilinghan rayonlarda qaytidin qurup chiqish paaliyetlirini ishqa kirishtürgenliklirini, yéngi yollarni yasighanliqlirini eskertish bilen bir waqitta, xain düshmenning, ishghal dewride ezerbeyjanning tarixiy miraslirini yoq qiliwétishke urunghanliqini tekitlep mundaq deydu: «lékin ular meqsitige yételmidi, biz bu zéminlargha qayttuq, qehriman we zeper quchquchi süpitide qayttuq we düshmineni zéminlirimizdin qoghlap chiqarduq.»

yolini dawamlashturghan eliyéw, aptomobilda qilghan sözide, erméniyeni qollighan chet el küchlirining, ermenlerning ezerbeyjan zéminlirida qilghan wehshiyliklirini körüshüshi lazimliqini qeyt qilidu.

u, yol boyi xojawend wilayitining yézilirida toxtap, közdin kechürüshlerde bolidu.



مۇناسىۋەتلىك خەۋەرلەر