taghliq qarabagh shéhitlirining sani köpeydi

ezerbeyjan armiyesining taghliq qarabaghdiki urushta 2 ming 881 eskiri shéhit boldi.

1593906
taghliq qarabagh shéhitlirining sani köpeydi

türkiye awazi radiyosi xewiri: ezerbeyjan dölet mudapie ministirliqining, 2020 – yili, 27 – séntebir küni bashlinip, 2020 – yili, 10 – noyabir küni erméniyening meghlubiyitini qobul qilip, kélishimni imzalishi bilen axirlashqan urushqa munasiwetlik yéngi melumatlirigha asaslanghanda, ilgiri 2 ming 855 teriqiside élan qilinghan shéhitlarning sani, bezi jesetlerning tépilishi we kimliklirining éniqlap chiqilishidin kéyin, 2 ming 881 ge yetken.

depne qilinghan eskerlerning isimlirigha orun bérilgen bayanatta tekitlinishiche, urush jeryanida 28 esker yoqap ketken.

ezerbeyjan armiyesi, 2020 – yili, 27 – séntebir küni qozghighan herbiy heriket dawamida, 5 sheher merkizi, 4 yéza we 286 kent azad qilinghan, buninggha asasen, erméniye meghlubiyitini qobul qilip, ishghal astidiki aghdam, lachin we kelbejer wilayetlirinimu boshitish ehde qilinghan kélishimni imzalighanidi.

erméniye armiyesi, 2020 – yili, 20 – noyabir küni aghdamdin, 2020 – yili, 25 – noyabir küni kelbejerdin, 2020 – yili, 1 – dékabir küni lachindin chékingenidi.



مۇناسىۋەتلىك خەۋەرلەر