qirghizistanda 3-mart dölet bayriqi bayrimi daghdughuluq ötküzüldi

türkiye awazi radiyosi xewiri: paytext bishkektiki bayraq bayrimi murasimi alato meydanida ötküzüldi.

dölet marshini oqush bilen bashlanghan murasimda, bishkekning waqitliq sheher bashliqi baqtibék kudaybergénow söz qilip, «parlamént 29 yil ilgiri 1992-yili 3-martta qirghizistan dölet bayriqini maqullidi. bu bayraq musteqil qirghizistanda tunji qétim 1992-yili 5-martta kökte jewlan qildürüldi. bayraqni édil aydarbékow, bekbosun jaychibékow, sabir iftarow, jusup matayéw we memetbék sidiqow qatarliq zatlar teyyarlidi. dölet bayriqi bayrimi bolsa, 2010-yildin étibaren resmiy murasimlar bilen tebriklinip kelmekte» dédi.

qazaqistanning paytexti nur sultanda resmiy ziyarette boluwatqan pirézidént sadir japarowmu 3 - mart dölet bayriqi bayrimi munasiwiti bilen élan qilghan tebriknamisida, qizil bayraqning döletning musteqilliqi we erkinlikige simwol qilinghanliqini shundaqla  qirghizistanning meniwi qimmet qarashliri we tarixiy yolini ekis ettüridighanliqini tekitlidi.

qirghizistan pirézidénti sadir japarow ejdadlirining enenilirini dawamlashturup, döletning kelgüsi üchün birla bayraq astida ittipaqlashqanliqini tekitlep, xelqning dölet bayriqi bayrimini tebriklidi.

dölet bayriqi bayrimi munasiwiti bilen puqralarni tebrikligen bash ministir uluqbék maripow bolsa, bayraqning her bir puqraning ghururi ikenlikini we wetenperwerlik rungi bilen dölet söygüsini öz ichige alidighanliqini éytti.

qirghizistanning bayriqi qizil renglik bolup,  otturida qiriq nurluq sériq quyash we quyashning ichide qirghizlargha nisbeten intayin menilik hésablinidighan chédirning torisi «tündük» dégenni bildüridighan neqishtin terkib tapidu.