قازاقىستان تېرىقچىلىق يەرلىرىنى چەت ئەللىكلەرگە سېتىش ۋە ئىجارىگە بېرىشنى چەكلىدى

تۈركىيە ئاۋازى رادىيوسى خەۋىرى: قازاقىستان پىرېزىدېنتى قاسىم جومەرت توكايېف، بۇنىڭدىن بەش يىل ئىلگىرى قازاقىستاندا كەڭ كۆلەملىك نارازىلىق نامايىشلرىىنى پەيدا قىلغان «دېھقانچىلىق يەرلىرىنى چەت ئەللىك مەبلەغ سالغۇچىلارغا ئېچىش» قارارىنىڭ رەسمىي ئەمەلدىن قالدۇرۇلغانلىقىنى ئېلان قىلدى.

توكايېف مەملىكەتلىك ئىجتىمائىي ئىشەنچ كېڭىشىدە سۆز قىلىپ: «يەر (مۈلۈك) مەسىلىسى خەلقىمىز ئۈچۈن ئەزەلدىن ئىنتايىن مۇھىم بولۇپ كەلگەن؛ بۇ، دۆلىتىمىزنىڭ ئۇل تېشى ۋە مۇقەددەس سىمۋولى ھېسابلىنىدۇ. مەن دېھقانچىلىق يەرلىرىنىڭ چەت ئەلگە ۋە چەت ئەللىكلەرگە سېتىلىشى ۋە ئىجارىگە بېرىلىشىنىڭ چەكلىنىشى توغرىسىدا قارار چىقاردىم. بۇ چەت ئەل پېيى بولغان كىشىلەرنىمۇ ئۆز ئىچىگە ئالىدۇ» دېگەنلەرنى قەيت قىلدى.

قازاقىستان دانلىق زىرائەت ۋە گۆش ئىشلەپچىقىرىدىغان بىر دۆلەت. بۇنىڭدىن بەش يىل ئىلگىرى ئوتتۇرا ئاسىيانىڭ 19 مىليون نوپۇسقا ئىگە دۆلىتى — قازاقىستاندا چىقىرىلغان «چەت ئەللىك مەبلەغ سالغۇچىلارغا دېھقانچىلىق يەرلىرىنى ئېچىش قارارى» خۇسۇسەن خىتايلارنىڭ بارلىق تېرىقچىلىق يەرلىرى ۋە يايلاقلارنى ئىگىلىۋالىدىغانلىقى ئىلگىرى سۈرۈلۈپ كەڭ كۆلەملىك نامايىشلارنىڭ ئوتتۇرىغا چىقىشىغا سەۋەب بولغانىدى.

نامايىشلاردىن كېيىن مۇناسىۋەتلىك تارماقلار 2016 - يىلى قارار ماقۇللاپ، قازاقىستاندىكى دېھقانچىلىق يەرلىرىنى چەت ئەللىكلەرگە ئىجارە بېرىش قارارىنى ۋاقتىنچە توختىتىپ  قويغانىدى.