түрк кеңиши йиғин чақириду

түркий тилда сөзлишидиған дөләтләр  һәмкарлиқ кеңиши  (түрк кеңиши) енергийә министирлири йиғини чақирилиду.

1589214
түрк кеңиши йиғин чақириду

түркийә авази радийоси хәвири: түрк кеңиши тәрипидин елан қилинған йазма байанатта әскәртилишичә, түрк кеңишигә әза дөләтләр, иқтисад – сода, сәһийә, маарип вә сайаһәт қатарлиқ саһәләргә енергийәниму илавә қилидикән. бу даиридә, түрк кеңиши енергийә министирлири, әтә тунҗи қетим тор йиғини арқилиқ бир йәргә җәм болидикән.

түрк кеңишиниң башлиқи әзәрбәйҗан енергийә министири пәрвиз шаһбазов билән түрк кеңиши баш катипи бағдад амрейев ечилиш нутиқи сөзләйдиған йиғинда, түрк кеңиши дөләтлириниң енергийә саһәсидә ташлиғуси ортақ қәдәмлири муһакимә қилинидикән.

йиғинда, енергийә һәмкарлиқиниң йәниму йүксәк сәвийәгә йәткүзүлүши вә сәрхиллаштурулуши, һәмдә районлуқ енергийә мунасивәтлириниң күчәйтилишигә мунасивәтлик пурсәт һәм имканийәтләр һәққидә өзара пикир алмаштурулидикән.

йәнә бир тәрәптин, йиғинда, түркийә енергийә вә тәбиий байлиқлар министири фатиһ дөнмәз, қазақистан енергийә министири нурлан ногайев, қирғизистан енергийә вә санаәт министири қубаничбек турдубайев, өзбекистан енергийә министири әлишир султанов вә венгирийә йеңилиқ йаритиш вә технологийә министирлиқиниң енергийә ишлириға мәсул дөләт министири атилла стейнер қатарлиқларму сөз қилидикән.



مۇناسىۋەتلىك خەۋەرلەر